“Qishloq qurilish bank” ATB Xususiy sektorni rivojlantirish islom korporatsiyasi liniyasi hisobidan 3 yillik murobaha asosida moliyalashtirishni taklif etadi. Mazkur xizmat bank va korporatsiya o‘rtasida tuzilgan murobaha shartnomasi asosida yo‘lga qo‘yildi. Ushbu kelishuv yurtimizdagi ko‘plab tadbirkorlar tomonidan kutilgan va katta qiziqish bildirilayotgan islom moliyasi tamoyillaridan biri bo‘lgan murobaha asosida moliyalashtirish imkoniyatini berishi bilan ahamiyatlidir.
Ma’lumki, murobaha bu — islom shariati tamoyillari asosidagi moliyalashtirish usullaridan biri va u savdoga asoslanadi. Bunda mijoz bankka o‘z ehtiyoji uchun kerakli mahalliy yoki xorijiy mahsulotni sotib olishni so‘rab murojaat qiladi. Bank esa ko‘rsatilgan mahsulotni xarid qilib, mijozga o‘z ustamasini qo‘ygan holda bo‘lib to‘lash sharti bilan sotadi.
Moliyalashtirish bir qator shartlar asosida amalga oshiriladi. Xususan, shariat tamoyillariga zid bo‘lmagan barcha loyihalar doirasida, asbob-uskuna, jihozlar, og‘ir va yengil transport vositalari va ular uchun xomashyo mahsulotlarini xarid qilish jarayoni moliyalashtirilishi mumkin. Mijozlar 250 000 AQSh dollaridan 5 000 000 AQSh dollarigacha bo‘lgan loyihalari uchun mazkur moliyalashtirish turidan foydalanish imkoniyatiga egalar.
E’tibor qaratish joiz bo‘lgan muhim jihat shundaki, sayyohlik, dam olish maskanlari, mudofaa, ko‘chmas mulk, an’anaviy banklar va sug‘urta korxonalariga resurs yoki kredit ajratish, spirtli ichimliklar, harom go‘sht ishlab chiqarish va realizatsiya qilish hamda pornografiya, tungi klub yoki qimorxonalar bilan bog‘liq faoliyat turlari kabi loyihalar moliyalashtirilmaydi.
Moliyalashtirish agar shartnomalar xalqaro importni nazarda tutsa, AQSh dollarida amalga oshiriladi. O‘z navbatida mahalliy bozordan olinadigan uskunalarni moliyalashtirish murobaha shartnomasi qiymatida, AQSh dollarini milliy valyutaga konvertatsiyalash orqali taqdim etiladi.
Albatta, mijozlarni xizmat muddati qiziqtirishi tabiiy. Bu borada 36 oylik muddat joriy qilingani (oxirgi to‘lov muddati 30.01.2025) tadbirkor uchun qulaylik yaratadi. Zotan 6 oygacha imtiyozli davr ham taklif etilmoqda. Boz ustiga, mijoz tomonidan savdo summasi har 6 oyda amalga oshiriladi.
Mahsulot narxiga 7.85 + 3 yillik o‘zgaruvchan svop asosidagi ustama qo‘shilib, ushbu ustama davr oxiriga qadar o‘zgarmas etib belgilanadi. Shu o‘rinda eslatib o‘tish joiz, adminstrativ xarajatlarini qoplash uchun murobaha shartnomasi sotuv narxining 1 foizi miqdorida, bir martalik oldindan to‘lovi mavjud.
Xizmatdan foydalanish jarayonida agar mijoz tomonidan kechikishlar kuzatilsa, yillik 10 foiz miqdorida penya undiriladi, ya’ni har bir kechiktirilgan kun uchun to‘lov grafigi bo‘yicha to‘lanmagan qoldiq qarz miqdoriga nisbatan yillik 10 foiz miqdorida penya undirilib, ushbu mablag‘lar Xususiy sektorni rivojlantirish islom korporatsiyasi tomonidan xayriyaga yo‘naltiriladi.
Yana bir muhim jihat shundaki, murobaha shartnomasiga muvofiq mijozga berilayotgan qarz ta’minoti uchun “Qishloq qurilish bank” ATB tomonidan bank kafolati taqdim qilinadi. Bunda bank kafolati murobaha shartnomasiga muvofiq sotish narxi (sale price) miqdorida bank tomonidan belgilanadi. Muddati ham murobaha shartnomasiga muvofiq bo‘ladi. Bu vaziyatda bank kafolati ajratishga doir hujjatlarni ko‘rib chiqqanligi uchun BHMning 2 (ikki) barobari miqdorida bir martalik to‘lov amalga oshiriladi. Ushbu qulaylikdan foydalanish istagida bo‘lgan mijoz bank kafolati summasining 125 foizi miqdoridagi mol-mulkni garov ta’minoti sifatida taqdim etishi lozim.
“Qishloq qurilish bank” ATB jamoasi islomiy moliyalashtirish xizmatidan foydalanish istagida bo‘lgan barcha tadbirkorlarni hamkorlikka chorlaydi.
Qulay imkoniyatdan foydalaning va o‘z biznesingizni yanada rivojlantiring.
“Qishloq qurilish bank” — farovon hayotingiz xizmatida!
Murojaat uchun:
+99878 150 00 55
+99878 150 76 42
Qisqa raqam: 1254
Elektron pochta: islamicbanking@qqb.uz
Veb-sayt: www.qqb.uz
Telegram: QQBANK
Facebook: http://fb.com/official.qqb.uz
Reklama huquqi asosida.
Izoh (0)