Xonanda Alisher Ro‘zmetovning o‘g‘li Hojiakbar Ro‘zmetov “Artist” loyihasida ishtirok etishi davomida o‘z iste’dodini namoyon qilib, ko‘plab muxlislar orttirmoqda. U Zo‘r TV telekanali boshlovchisi Ma’rufxo‘jaga bergan intervyusida shaxsiy hayoti haqidagi ma’lumotlarni oshkor qildi.
To‘yining qachon va kimga sovchi qo‘ymoqchiligi haqidagi savolga dastlab Hojiakbar Ro‘zmetov uning tanloviga ota-onasi qarshi ekanini, qizning kimligi sir bo‘lib qolishini, chunki bu shaxsiy hayot ekanini ta’kidladi. Ammo boshlovchining qistovi bilan quyidagicha javob berdi:
“To‘g‘risini aytsam, uydagilarim qarshilik bildiryapti, lekin bu narsani o‘zim juda ham xohlayman. Chunki u odamni yaxshi ko‘raman. U shou-biznes vakili — Munisa Rizayeva. Uydagilar biroz qarshi, lekin ularni ko‘ndirib, sovchilarni yuboraman”, — deydi yosh xonanda.
Avvalroq Munisa Rizayeva “Artist” loyihasi ishtirokchilari Hojiakbar va Elyorni “yulduzlik kasali”ga chalinganlikda ayblab, ularga tanbeh bergan edi.
Izoh (0)