Sous qo‘shib pishiriladigan xushta’m mol go‘shtli taom retsepti

Lifehacker nashri vitaminga boy, shuningdek, xushta’m taom retsepti bilan bo‘lishdi. Noodatiy retseptga ko‘ra qo‘shiladigan asal taomni yanada mazali qilishi shubhasiz.

Kerakli mahsulotlar:

• mol go‘shti — 400—450 gramm;
• soya sousi — 1—2 osh qoshiq;
• barbekyu sousi — 2—3 osh qoshiq;
• asal — 1—2 osh qoshiq;
• zanjabil — kichkina bo‘lak;
• sarimsoq — 1 bo‘lak;
• o‘simlik moyi — 1 osh qoshiq;
• ko‘k piyoz, tuz va murch.

1. Mol go‘shti somoncha shaklida to‘g‘rab olinadi.
2. Barbekyu, soya sousi va asal aralashtiriladi.
3. Zanjabil hamda sarimsoq qirg‘ichdan o‘tkaziladi.
4. Yog‘ o‘rta olovda tovada qizdiriladi. Mol go‘shti solinib, 2-3 daqiqa davomida qovuriladi.
5. Yaxshilab aralashtirilgach yana 2 daqiqa qovuriladi.
6. Tabga ko‘ra tuz, murch, sarimsoq va zanjabil solib aralashtiriladi.
7. Ustidan sous quyiladi va yana 5 daqiqa davomida qovuriladi.
8. Dasturxonga tortishdan avval taom ko‘k piyoz bilan bezatiladi.