Qashqadaryo viloyatining Qarshi shahrida bosqinchilik harakati sodir etilgani, oila boshi o‘ldirilgani aytilmoqda. Bu haqda viloyatda faoliyat yurituvchi bloger Husan Komiljonov xabar berdi.
Ma’lum bo‘lishicha, shaharning “Komilon” mahallasidagi xonadonlarning biriga bostirib kirgan bosqinchilar oila boshlig‘ini vahshiylarcha o‘ldirgan. Oila a’zolariga esa og‘ir tan jarohati yetkazgan.“Daryo”ning bu haqdagi so‘roviga javob bergan viloyat prokuraturasi axborot xizmati qotillik voqeasini tasdiqladi.
“Qotillik yuz bergani bor gap. Ayni paytda tergovchilar voqea joyini o‘rganmoqda. Holat o‘rganilgach batafsil ma’lumot beriladi”, — deydi prokuratura axborot xizmati mas’uli.
Avvalroq Samarqand viloyatining Kattaqo‘rg‘on tumanida qotillik sodir bo‘lgani, “Elmurod Qurbonov” fermerlar uyushmasi “Kiymado‘z” qishlog‘ida aka-ukalardan biri o‘ldirilgani xabar berilgandi.
Izoh (0)