Uzbekistan Airways aviakompaniyasi O‘zbekiston shaharlaridan Sochiga qatnovlar uzaytirilganini ma’lum qildi.
Ma’lum qilinishicha, Toshkent—Krasnodar—Toshkent, Toshkent—Rostov-Don—Toshkent, Namangan—Krasnodar—Namangan yo‘nalishi bo‘yicha aviaqatnovlar 2022-yilning 1-iyunidan 30-iyunigacha Sochi shahriga amalga oshiriladi.
Uzbekistan Airways 30-yanvardan boshlab Toshkent—Sochi—Toshkent yo‘nalishi bo‘yicha muntazam aviaqatnovlarni qayta tiklagandi. Mart boshlarida esa Uzbekistan Airways Rossiya havo hududining bir qismi yopilishi bilan bog‘liq cheklov sabab bir qator shaharlarga parvozlar jadvali va yo‘nalishini o‘zgartirgan edi.
Avvalroq O‘zbekiston va Rossiya charter reyslarni ishga tushirish ustida ishlayotgani to‘g‘risida xabar berilgandi.
Izoh (0)