O‘zbekiston 2022-yilning to‘rt oyida qancha makaron import qilgani ma’lum bo‘ldi

2022-yilning yanvar—aprel oylarida O‘zbekistonga 13 ta davlatdan qiymati 6,7 million dollarga teng bo‘lgan 4,7 ming tonna makaron mahsulotlari import qilingan. Bu haqda Davlat statistika qo‘mitasi xabar berdi.

Makaron mahsulotlari importi hajmi o‘tgan yilning mos davri bilan solishtirilganda 1000 tonnaga oshgan. 2022-yilning yanvar—aprel oylarida O‘zbekiston eng ko‘p makaron mahsulotlarini import qilgan davlatlar:

• Qozog‘iston – 2,6 ming tonna;
• Rossiya – 1,7 ming tonna;
• Qirg‘iziston – 246 tonna;
• Janubiy Koreya – 80 tonna;
• Xitoy – 29 tonna;
• Italiya – 20 tonna;
• Ispaniya – 1,1 tonna;
• Turkiya – 1 tonna.

Avvalroq O‘zbekistonga 4 oyda 17,4 mln dollarlik parranda go‘shti, yanvar—aprel oylarida qariyb 40 million dollarlik bug‘doy uni import qilingani to‘g‘risida xabar berilgandi.