Ijtimoiy tarmoqlarda Namangan viloyatining Chortoq tumani “To‘riq” MFY hududiga sel kelgani tasvirlangan videolar tarqaldi. Viloyat FVB holat bo‘yicha ma’lumot berdi.
Ma’lum qilinishicha, 27-may kuni soat 21:00 larda Qirg‘izistonga yomg‘ir yog‘ishi oqibatida Chortoq tumani “To‘riq” mahalla fuqarolar yig‘ini hududiga to‘plangan suvlar oqib o‘tgan va ushbu hududdagi aholi yashash xonadonlarining yerto‘lasi hamda tomorqalariga suv kirishi kuzatilgan.
“Suv kirishi va to‘plangan suvlardan tozalash maqsadida Chortoq tumani Favqulodda vaziyatlar bo‘limi va tuman favqulodda vaziyatlarda davlat quyi tizimlari bilan birgalikda suvdan tozalash ishlari olib olib borilmoqda”, — deyiladi xabarda.
Avvalroq “O‘zgidromet” O‘zbekistonning 9 ta viloyatida 27–28-may kunlari sel kelishi xavfini e’lon qilgandi.
Izoh (0)