“Atletiko” hujumchisi Luis Suares faoliyatini “Aston Villa”da davom ettirishi mumkin.
The Telegraph’ning yozishicha, birmingemliklar yozda erkin agent sifatida “Atletiko” safini tark etadigan hujumchiga qiziqish bildirmoqda.
“Aston Villa” tez orada 35 yoshli futbolchining APL bosimiga bardosh bera oladimi-yo‘qmi aniqlab, uni xarid qilish variantini ko‘rib chiqmoqchi.
Urugvaylik hujumchi yuqori saviyada yana bir mavsum o‘ynamoqchi. “Liverpul”da Luis Suares bilan birga to‘p surgan, hozirda “Aston Villa” bosh murabbiyi Stiven Jerrard hujumchi bilan iliq munosabatlarini saqlab qolgan.
Avvalroq, hujumchi AQShning “Inter Mayami” klubi bilan shaxsiy shartnoma borasida kelishuvga erishgani xabar qilingandi.
Suares joriy mavsum La Ligada 35 ta o‘yinda ishtirok etib, 11 ta gol muallifiga aylandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)