“PSJ” hujumchilari Kilian Mbappe va Neymar o‘rtasidagi munosabatlar yomonlashgan. Bu braziliyalikning jamoadan ketishiga sabab bo‘lishi mumkin.
AS nashrining xabariga ko‘ra, ikki hujumchining bir paytlar yaxshi bo‘lgan munosabatlari sovuqlashgan. Fransuz Neymar bilan suhbatlarda doim uni masxara qiladi.
Shu sababli Parij klubi 30 yoshli futbolchini ortiq daxlsiz deb hisoblamaydi va uni sotib yuborishga tayyor. Mbappe ham Neymarning ketishi tarafdori.
Braziliyalik futbolchining jamoani tark etishiga yana to‘siqlardan biri uning yuqori maoshi bo‘lishi mumkin. Neymar soliqlardan tashqari oyiga 4 million yevro maosh oladi.
Avvalroq, “PSJ” “Barselona”ga Neymarni sotib olishni taklif qilgani xabar qilingandi.
Eslatib o‘tamiz, Kilian Mbappe “PSJ” bilan 2025-yilga qadar mo‘ljallangan shartnoma imzoladi. Braziliyalikning esa amaldagi shartnomasi 2025-yilda o‘z nihoyasiga yetadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)