O‘zbekiston energetika va mineral resurslarga, jumladan, tabiiy gaz, oltin, mis, uran va ko‘mir zaxiralariga boy 30 ta davlat qatoriga kiradi. Bu “Daryo”ga Jahon bankining Uzbekistan: The Second Systematic Country Diagnostic hisobotidan ma’lum bo‘ldi.
Iqtisodiy model tabiiy resurslar bilan ta’minlanganligidan mamlakat faol foydalanadi, ammo bu yondashuv mamlakat uchun qimmatga tushmoqda. Aholi uchun bu resurslardan olinadigan foyda chegaralangan, atrof-muhitga salbiy ta’siri esa juda yuqori.
2016-yildagi so‘nggi natijalarga ko‘ra, keng tarqalgan yer degradatsiyasi yalpi ichki mahsulotning 4 foiziga teng yo‘qotishlarga olib kelgan. O‘zbekiston butun dunyoda suvdan samarasiz foydalanuvchi davlatlar qatorida turadi, bunga sabab mamlakatdagi qishloq xo‘jaligi sohasidir.
Buni qanday tuzatish mumkin?
Hukumat xususiy sektor ko‘magida yashil iqtisodiyotga ustuvor ahamiyat berib, qisqa muddatli atrof-muhitni yaxshilash va samaradorlikni oshirishga erishishi mumkin.O‘zbekiston issiqxona gazlari emissiyasi intensivligi bo‘yicha dunyoda beshinchi o‘rinda, mamlakatning yalpi ichki mahsulot birligiga to‘g‘ri keladigan energiya sig‘imi ham dunyoda eng yuqori o‘rinlardan birini egallaydi.
Ifloslantiruvchi moddalar emissiyasi intensivligi so‘nggi yigirma yil ichida kamayib ketganiga qaramay, Markaziy Osiyo mintaqasidagi qo‘shnilariga nisbatan bu ko‘rsatkich davlatda ikki baravar ko‘pdir.
O‘zbekistonda issiqxona gazlari emissiyasi bo‘yicha yetakchi o‘rinni energetika sektori egallab turibdi, unga umumiy chiqindilarning 79 foiz to‘g‘ri keladi. Qishloq xo‘jaligida esa 15 foiz.
Energetikada ham, qishloq xo‘jaligida ham iqlim ta’sirini yumshatish bo‘yicha ulkan chora-tadbirlar belgilangan, bunda xususiy sektor, ayniqsa, muhim rol o‘ynaydi.
Avvalroq O‘zbekistonda yashil texnologiyalarni hayotga tatbiq etishdagi muammolar haqida xabar berilgan edi.
Izoh (0)