Fuqarolarning ishonchiga kirib, Qur’on kitoblari va joynamozlarini firibgarlik yo‘li bilan qo‘lga kiritgan shaxsga sud hukmi o‘qildi. Bu haqda Oliy sud axborot xizmati xabar qildi.
Qayd etilishicha, Sh.B. ismli fuqaro 2021-yil 18-yanvar kuni S.M. Qur’oni karim kitobini 500 dollardan sotayotganidan xabar topib, unga qo‘ng‘iroq qilgan. Shu kitoblardan 20 dona kerakligini, agar yuborsa, pulini berib yuborishini aytib aldagan. Kitoblarni qo‘lga kiritib, boshqa shaxsga sotib yuborgan.
Bundan tashqari, u 9-fevral kuni Z.A. ismli fuqaro ham Qur’oni karim kitoblari va joynamozlar sotishidan xabar topib, uning ham ishonchiga kirgan. Kitoblarni jo‘natsa, pulini berib yuborishi haqida aytib, jami 17 million 565 ming so‘mlik kitoblarni aldov yo‘li bilan qo‘lga kiritib, begona shaxslarga sotib yuborgan.
Xuddi shunday holat 19-fevral kuni ham sodir bo‘lgan. Sh.B. A.A. ushbu fuqaroning ishonchiga kirib, Qur’oni karim kitoblarini sotib olmoqchi ekanini aytgan. Yuqoridagi gaplar bilan aldab, 25 dona jami 8 million 250 ming so‘mlik kitoblarni aldov yo‘li bilan qo‘lga kiritib, noma’lum shaxslarga sotib yuborgan.
Shundan so‘ng u 10-mart kuni M.X. Telegram messenjeri orqali joynamozlar savdosi bilan shug‘ullanishidan xabar topib, uning ham ishonchiga kirib aldagan. Joynamozlarni yuborsa, pulini berib yuborishi haqida aytib, 25 dona jami 8,5 million so‘mlik joynamozlarni aldov yo‘li bilan qo‘lga kiritib, tergovda aniqlashni imkoni bo‘lmagan shaxslarga kitob va joynamozlarni sotib yuborgan.
Sh.B. 1-aprel kuni yana yuqoridagi jinoyatlarga o‘xshash firibgarlik jinoyatini sodir qilgan.
Holat yuzasidan Sh.B.ga nisbatan jinoyat ishlari bo‘yicha Farg‘ona shahar sudining hukmi bilan 6 yil ozodlikdan mahrum qilish jazosi tayinlangan. Uning qilmishidan pushaymon bo‘lib, qaramog‘ida bir nafar farzandi va keksa onasi borligini inobatga olib, suddan yengillik berishni so‘rab yozgan apellyatsiya shikoyati qanoatlantirilmagan.
Mavzuga doir:
- Andijon va Sirdaryoda fuqarolarning xorijdagi o‘qishini Toshkent tibbiyot akademiyasiga ko‘chirib berish uchun jami 4,5 ming dollar olgan shaxslar ushlandi
- Surxondaryoda 20 sotix yerni uch kishiga 220 mln so‘mga sotib, hujjatlarni rasmiylashtirib bermagan shaxs aniqlandi
- “Katta meros” va “Telegram piramidasi”: O‘zbekistonda keng tarqalgan onlayn firibgarlik sxemalari ma’lum bo‘ldi
Izoh (0)