“Etnosport turlarini ommalashtirish va rivojlantirish chora-tadbirlari to‘g‘risida”gi prezident qarori qabul qilindi. Bu haqda Telegram’dagi “Huquqiy axborot” kanali xabar qildi.
Qayd etilishicha, qaror bilan Etnosport turlarini 2025-yilgacha ommalashtirish va rivojlantirish dasturi hamda uni 2022—2023-yillarda amalga oshirish bo‘yicha “yo‘l xaritasi” tasdiqlangan. Shunga ko‘ra, 2023-yil 1-martdan har yili etnosport turlari bo‘yicha musobaqalar o‘tkaziladi.
2023-yildan an’anaviy tarzda:
- Toshkent shahrida har yili bir marotaba etnosport turlari bo‘yicha Uzbekistan Ethno Games respublika festivali;
- Xiva shahrida har ikki yilda bir marotaba Xalqaro etnosport festivali tashkil qilinadi.
Shuningdek, YUNЕSKO tashkilotidan nomoddiy madaniy meros maqomi olinishi mumkin bo‘lgan etnosport turlari ro‘yxati shakllantiriladi.
2023-yil 1-yanvargacha har bir hududda ot sporti turlariga tegishli anjomlar savdosini yo‘lga qo‘yish maqsadida do‘konlar tashkil etiladi.
Bundan avval O‘zbekistonda Etnosport assotsiatsiyasi tashkil etilgani haqida xabar berilgandi.
Izoh (0)