Janubiy Koreyaning Hyundai kompaniyasi Sonata sedanining to‘qqizinchi avlodini yaratish ustida ish olib bormayapti, shu sababli sakkizinchi avlod Hyundai Sonata ushbu lineykaning so‘nggi modeliga aylanadi va oxir-oqibat ishlab chiqarishdan olib tashlanadi, deb xabar beradi IXBT.
Hyundai Motor Group zavodlariga ehtiyot qismlarni yetkazib berish bilan shug‘ullanuvchi korxonalarning insayderlari to‘qqizinchi avlod Sonata uchun ehtiyot qismlarni ishlab chiqarish bo‘yicha hech qanday buyurmalar kelmaganini tasdiqlagan.
Hyundai Sonata’dan voz kechilishining qator sabablari mavjud, xususan, butun dunyoda savdolar hajmining kamayib ketgani va Hyundai’ning 2035-yildan faqat elektromobil ishlab chiqarish strategiyasi. Shuningdek, sedanlarning ommabopligi kamayib borayotganini unutmaslik kerak.
Bundan oldin KIA avtomobillari Rossiyada yig‘ilishda davom etayotgani haqida xabarlar rad etilgani, yangi Hyundai modellari markazida ekran joylashgan rulga ega bo‘lishi mumkinligi to‘g‘risida xabar berilgandi.
Izoh (0)