Buxoroda faxriy yorliq berilmaganidan norozi bitiruvchi maktab direktoriga suv sepgani to‘g‘risida xabar berilgandi. “Mening yurtim” telekanalining “Markaziy studiya” dasturida ma’lum qilinishicha, yigit suvni direktorga maqtov yorlig‘i o‘ziga emas, balki onasiga berilmagani uchun sepgan.
Ma’lum bo‘lishicha, suv sepgan o‘quvchining onasi mazkur maktabda pedagog bo‘lib faoliyat yuritadi. Bayram tadbiri kunida barcha ustozlar o‘quv yili yakunida amalga oshirilgan namunaviy ishlari uchun taqdirlangan. Ammo ular orasida 11-sinf bitiruvchisining onasi bo‘lmagan. Bola shu kuni onasining faxriy yorliqqa munosib ko‘rilmaganidan xafa bo‘lgan.
“Men kechirim so‘radim. Ko‘ngilsiz voqea menga maqtovlar yozilgan bir parcha qog‘ozga muhtojligim sabab kelib chiqmadi. Menga diplomlar kerak emas”, — deydi yigit. Biroq o‘quvchi maktab direktori bilan sodir bo‘lgan voqeaga nima sabab bo‘lganiga aniqlik kiritmagan.
Hozirda holat bo‘yicha o‘quvchining ota-onasi bilan farzandining xatti-harakatlari yuzasidan IIB tomonidan o‘rganish ishlari olib borilmoqda.
Avvalroq Farg‘onada o‘quvchi qiz o‘qituvchi tanbehidan so‘ng sinf derazasidan sakragani bo‘yicha tergov olib borilayotgani to‘g‘risida xabar berilgandi.
Mavzuga doir:
Izoh (0)