Fastfud restoranidagi qaddi qomatga zarar yetkazmaydigan yeguliklar

Ko‘pchilik vazni ortib ketmasligi uchun fastfud restoranlarida faqatgina salatga buyurtma beradi. Ammo boshqa yeguliklardan ham xotirjam iste’mol qilish mumkin. Bunday joylarda hamma ovqatlar ham ko‘rinadigan darajada zararli emas. “Lisa.ru” nashri ularning bir qanchasi haqda foydali ma’lumotlar bilan bo‘lishdi.

Gamburger

Oddiy gamburger unchalik ko‘p kaloriyaga boy emas — go‘shtli kotlet, bodring, salat bargi va hatto pomidor sousi atigi 240 kaloriya, agar pishloq bo‘lsa, yana 50 kaloriya qo‘shiladi. Shu bilan birga, u yetarli miqdorda oqsilni o‘z ichiga oladi. Shuning uchun hech bo‘lganda kichkina gamburgerlarni iste’mol qilish mumkin. Parhezdagilar uchun esa bulochkasiz, ichidagi kotlet, bodring va salat bargini iste’mol qilish tavsiya etiladi.

Mevali suli yormasi

Ba’zida fas-fud restoranlari sog‘lom nonushtalarni taklif qiladi. Odatda bu yerda bo‘tqaga turli xil mevalar qo‘shiladi va bu ham tomaman inson salomatligi uchun xavfsiz. Bordiyu, qandli diabet tufayli semirishga moyillik bo‘lsa, mayiz qo‘shilgan yormadan tanovul qilish tavisya etilmaydi,

Lavashli rulet

Rollar burgerlarga qaraganda ancha foydali. Birinchidan, lavashda bulochkalarga qaraganda kaloriya anch kam, shuningdek, shakar miqdori ham oz. Ikkinchidan, rulet va tovuqning o‘zi yog‘siz holda grillda pishiriladi.

Shaurma ham xuddi shunda rulet va bu ko‘pchilik o‘ylagandek zararli emas. Uni tayyorlashda mayonezni kamroq qo‘shishni iltimos qilish mumkin. Shaurma ham ko‘pincha bir necha qatlamli lavashga o‘raladi, bu esa umuman kerak emas. Lavash xamirining ortiqchasi olib tashlanib, shaurmani istagancha iste’mol qilish mumkin

Tovuq filesidan salat

Bu yegulik kaloriya va uglevodlarda boshqalarga qaraganda ancha past. Bundan tashqari, eng yuqori kaloriya uning souslarida yashiringan, u ko‘pincha alohida tortiladi, ya’ni uning miqdorini cheklash yoki undan butunlay voz kechish mumkin.

Tuxumli burger

Bu burger taxminan 260 kaloriyani o‘z ichiga oladi va organizmni sog‘lom oqsil bilan ham ta’minlaydi. Gamburgerda bo‘lgani kabi kaloriyalarni kamaytirish uchun pishloqni iste’mol qilmaslik mumkin. Ammo kunni shirin narsa bilan emas, balki oqsil bilan boshlash qondagi qand miqdorini barqaror ushlab turishga va uzoq vaqt davomida qorin ochmasligiga yordam beradi.

Tovuq va sabzavotli sendvich

Tovuq go‘shti qizil go‘shtdan foydaliroq va sabzavotlar tufayli yegulik kamroq kaloriya ega.

Meva va yogurtli parfe

Bu shirinlik, hatto fastfud restoranlarida ham tayyorlanadi va 150 kaloriyani o‘z ichiga oladi. Bu nonushta va desert uchun mazali hamda sog‘lom variantdir. Tushlik uchun tovuq go‘shtili salatni parfe bilan iste’mol qilish — organizmni uzoq vaqt to‘qlik hissi bilan ta’minlaydi.

Tovuqli naggets

Tovuq naggetslari oqsilga boy. Asosiysi, ular uchun yog‘li sous buyurtma qilish shart emas. Shuningdek, qarsildoq po‘stini iste’mol qilmaslik ham mumkin. Albatta, hamma narsa iste’mol qilingan naggetslar miqdoriga bog‘liq — odatda 4 dona bilan cheklanish tavsiya etiladi.

Pitssa

Albatta, pitssani yupqa xamirlisini tanlash kerak. Qolganlari uning tarkibiy qismlari haqida. Har xil turdagi kolbasa, sosiska yaxshi tanlov emas. Ammo tovuq filesi, pishloq va sabzavotlisini vaqti-vaqti bilan sotib olish mumkin.

Vok

Xitoy lapshasi va guruchi ham zararli emas. Bundan tashqari, ularga tez pishadigan sabzavotlar qo‘shiladi — bu qayta ishlash usuli ulardagi vitaminlarni maksimal darajada tejash imkonini beradi. Qolaversa, pishirish jarayonida ortiqcha yog‘ni olib tashlashni so‘rash ham mumkin.

Sushi

Eng past kaloriyali ovqatlardan biri. Lekin qobiq qilib pishirilgan issiq sushiga buyurtma bermagan ma’qul. Chunki uning tarkibida yog‘ ko‘p bo‘ladi.