O‘zbekistonning shimoliy hududlariga 26-may kuni, barcha hududlariga 27—28-may kunlari Kavkaz hududlaridan nam va nisbatan salqin havo kirib keladi. Bu haqda “O‘zgidromet” xabar qildi.
Qayd etilishicha, 27—28-mayda respublika hududi bo‘yicha, 29-mayda tog‘oldi va tog‘li hududlarda vaqti-vaqti bilan yomg‘ir yog‘adi, momaqaldiroq bo‘lishi mumkin. Toshkent, Samarqand, Jizzax, Qashqadaryo, Surxondaryo viloyatlari va Farg‘ona vodiysi viloyatlarining tog‘oldi va tog‘li hududlarida 27—28-may kunlari ba’zi joylarda kuchli yomg‘ir yog‘ishi mumkin.
26-mayda Qoraqalpog‘istonda, Xorazm, Buxoro, Navoiy, Qashqadaryo viloyatlarida, cho‘l hududlarida va janubida, 27—29-mayda respublika bo‘yicha ba’zi joylarda shamol 18-23 m/s gacha kuchayishi, ayrim joylarda chang to‘zonlari kuzatilishi kutilmoqda.
27-mayda O‘zbekistonning shimolida va cho‘l hududlarida, 28-mayda hududlarning katta qismida kunduzgi havo harorati 21-26 darajagacha pasayadi.
Avvalroq O‘zbekistonda 25-may kuni 39 darajagacha issiq bo‘lishi kutilayotgani, “O‘zgidromet” hafta davomida qanday ob-havo bo‘lishini ma’lum qilgani, aksariyat viloyatlarda dam olish kuni jala yomg‘ir yog‘gani haqida xabar berilgandi.
Izoh (0)