Ajrim va shaxsiy hayotdagi muammolardan keyin naqd 40 kilogramm vazn tashlagan qo‘shiqchi Adel barcha muxlislarni hayratda qoldirdi. Uning bunchalik keskin o‘zgarishining siri nimada bo‘lishi mumkin? Bu sirtfud parhezi bo‘lib, aynan shu orqali Gvinet Peltrou va shahzoda Garri ham bir paytlar vazn kamaytirgan, deb yozadi “Domashniy ochag”.
Sirtfud parhezi nima?
Britaniyalik diyetologlar Aidan Goggins va Glen Matten SirtFud Diet kitobining mualliflaridir. Ular birinchi bo‘lib Gollivudga sirtfud parhezi haqida ma’lum qildi. Olimlarning fikricha, rejimli ovqatlanishi tufayli haftasiga 3 kilodan osongina qutulishi mumkin. Parhezning asosiy qoidasi shuki, organizmdagi sirtuinlarni faollashtiradigan ma’lum mahsulotlardan iste’mol qilishdir. Sirtuin — hujayralarni yallig‘lanish va o‘limdan himoya qiluvchi oqsil. Bundan tashqari, sirtuin metabolizmni tezlashtiradi va qarishni sekinlashtiradi. Olimlarning so‘zlariga ko‘ra, bunday parhez vaqtida mushaklar emas, balki faqat yog‘ eriydi.
Qanday mahsulot iste’mol qilish kerak?
Sirtuinlar oq go‘sht va tuxumdagi kabi oddiy oqsillar emas. Ularni olish uchun polifenollar, ya’ni antioksidantlarga boy bo‘lgan mahsulotlar kerak. Ular ushbu ro‘yxatga kiritilgan:
- ko‘k choy;
- 85 foizni kakaoni o‘z ichiga olgan qora shokolad;
- olma;
- sitrus;
- petrushka;
- qorag‘at;
- seldr;
- grechka;
- yong‘oq;
- baliq;
- tofu;
- zarchava;
- qizil piyoz;
- qizil sharob.
Bir qarashda, hamma narsa oddiydek tuyiladi — shunchaki grechkani iste’mol qilish kifoya. Lekin unday emas. Sirtfud parhezi ikki bosqichdan iborat.
Dastlabki uch kun ichida kunlik iste’mol qilishni uchta sharbat 1000 kaloriyagacha kamaytirish kerak. Keyingi to‘rt kun ichida kaloriya 1500 ga oshiriladi — ratsionda qattiq mahsulotlar paydo bo‘ladi va sharbat iste’moli kuniga ikki stakangacha kamayadi. Ushbu bosqich tezlik bilan amalga oshiriladi — natijada haftasiga 3 kilo vazn tashlash kuzatiladi.
Ikkinchi bosqich ancha yoqimli — ro‘yxatda tasdiqlangan hamma narsani iste’mol qilish va hatto sharob ham ichish mumkin, albatta, me’yorida. Ushbu bosqichda vaqtning chegarasi yo‘q, bu jarayon xohlagancha davom etishi va hatto hayot tarziga aylantirish ham mumkin.
Parhezning ijobiy va salbiy tomonlari
Ushbu metodni ishlab chiqqan diyetologlar sirtfud parhezini vazn yo‘qotishga emas, balki organizmni umumiy yaxshilashga qaratilgan deb biladi. Ularning fikricha, vazn yo‘qotish — bu organlarning to‘g‘ri ishlashiga va metabolizmning tezlashishiga organizmning normal reaksiyasi sanaladi. Parhezning samaradorligiga hech qanday shubha yo‘q, chunki xonanda Adel bunga eng yorqin misol.
Parhez boshqalariga nisbatan yangi, bu haqda 2016-yilga kelibgina ma’lum bo‘ldi. O‘tgan vaqt esa parhez bilan bog‘liq kamchiliklarni aniqlash uchun yetarli emas. Ammo shuni bilish kerakki, sirtfud parhezi EatWell Guide — Buyuk Britaniya Milliy sog‘liqni saqlash xizmati tavsiyalariga kiritilmagan. U hali ham tadqiqot va tajribadan o‘tmoqda.
Izoh (0)