Toshkent shahri va viloyatida valyuta qimmatliklarini noqonuniy muomalaga kiritilishining oldi olindi, deb xabar bermoqda Bosh prokuratura huzuridagi departament.
Departamentning Toshkent viloyati boshqarmasi va DXX xodimlari tomonidan valyuta qimmatliklarining noqonuniy muomalaga kiritilishining oldini olish yuzasidan o‘tkazilgan tezkor tadbirda R.B. va O.A. o‘zaro til biriktirib, boshqa bir fuqaro R.ga 77,9 ming Turkmaniston manatini 6 500 dollarga sotgan vaqtida ashyoviy dalillar bilan ushlangan.
Shu kabi, Chilonzor tumanidagi savdo markazi oldida o‘tkazilgan tezkor tadbirda, fuqarolar B.A. va A.Q. o‘zaro til biriktirib, 213 ming Turkmaniston manatini fuqaro R.ga 13 ming dollar va 60 million so‘mga sotgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)