Marie Claire nashri vitaminga boy mahsulotlar qo‘shib tayyorlanadigan 2 xil pishloqli sho‘rva retsepti bilan bo‘lishdi. Sho‘rvalarning mazasi og‘izda qolishi shubhasiz.
Brokkoli va pishloq solib tayyorlanadigan sho‘rva
Kerakli mahsulotlar:
- tovuq bulyoni — 3 stakan;
- qirg‘ichdan o‘tkazilgan cheddar pishlog‘i — 3 stakan;
- sut — 2 stakan;
- un — 1/4 stakan;
- brokkoli — 1 dona;
- sabzi — 1 dona;
- piyoz — 1 dona;
- sariyog‘ — 4 osh qoshiq;
- ko‘kat, tuz va ziravorlar.
- Sariyog‘ o‘rta olovda eritiladi. Piyoz va ko‘kat yumshaguncha qovuriladi. Ustidan un solinib, tovuqli bulyon quyiladi. Tuz va ziravorlar solinadi.
- Qaynab chiqqach sho‘rvaga to‘g‘ralgan brokkoli va sabzi qo‘shiladi.
- Sabzavotlar yumshagunga qadar taxminan 20 daqiqa davomida qaynatiladi.
- So‘ngra sut qo‘shiladi, yana qaynab chiqqach pishloq solinadi.
- Dasturxonga tortishdan avval tuz va ziravorlar hamda pishloqdan biroz ustiga sepiladi.
Chili, loviya va pishloq solib tayyorlanadigan sho‘rva
Kerakli mahsulotlar:
- tovuq filesi — 3 dona;
- tovuq bulyoni — 5 stakan;
- oq loviya — 2 quti;
- makkajo‘xori — 1,5 stakan;
- smetana — 1/2 stakan;
- pishloq — 1/4 stakan;
- chili — 100 gramm;
- piyoz — 1 dona;
- sarimsoq — 2 dona;
- zaytun moyi — 2 osh qoshiq;
- yashil garmdori, tuz va ziravorlar.
- Yog‘ o‘rta olovda qizdiriladi. Piyoz va garmdori to‘g‘ralib yumshaguncha pishiriladi. Sarimsoq va ziravorlar qo‘shiladi.
- Ustidan yashil chili, tovuq va bulyon hamda tuz, ziravorlar solinib, qaynatiladi. So‘ng olov pasaytiriladi, qozonning qopqog‘i 10-12 daqiqaga yopiladi.
- Tovuq yumshab pishgach alohida idishga olinadi va sanchqi yordamida bo‘laklarga bo‘linadi. Yana qayta idishga solinib, loviya va makkajo‘xori ham qo‘shiladi.
- Sho‘rva yana 10 daqiqa davomida qaynatiladi, quyuqroq bo‘lishi uchun loviyaning bir qismini ezib solish mumkin. So‘ngra olov o‘chirilib, smetana solinadi.
- Dasturxonga tortishdan avval garmdori to‘g‘raladi va sho‘rvaning ustiga bezak sifatida pishloq va ko‘katlar bilan birgalikda sepiladi.
Izoh (0)