Alisher Rayimov Angren shahri hokimi etib tayinlandi, deb xabar beradi O‘zA.
Ma’lumot uchun, Alisher Rayimov 1981-yil Bo‘stonliq tumanida tug‘ilgan. Ma’lumoti — oliy. 2005-yil Toshkent davlat texnika universitetini, 2020-yilda O‘zbekiston prezidenti huzuridagi Davlat boshqaruvi akademiyasini tamomlagan.
Lavozimga tayinlangunga qadar, “Hududgazta’minot” aksiyadorlik jamiyatining “Tabiiy gazni hisobga olish va nazorat qilishning avtomatlashtirilgan tizimi loyihasini joriy etish direksiyasi” filiali direktori lavozimida faoliyat yuritib kelayotgan edi.
Angren shahrining sobiq hokimi Nuriddin Abdurahimov 11-may kuni vafot etgandi. U 2022-yilning 31-yanvarida Angren shahri hokimi etib tayinlangandi. Unga qadar Prezident administratsiyasining mas’ul xodimi sifatida faoliyat yuritib kelgan.
Uning o‘limiga infarkt sabab bo‘lgani aytilgan Toshkent viloyati hokimligi xabarida esa hokim betobligi tufayli vafot etgani bildirilgan.
Izoh (0)