Prezidentning “2022—2026-yillarda xalq ta’limini rivojlantirish bo‘yicha milliy dasturni tasdiqlash to‘g‘risida”dagi farmoni, “Xalq ta’limini rivojlantirishga oid qo‘shimcha chora-tadbirlar to‘g‘risida”gi qaroriga muvofiq maktablarda o‘quvchilar bilan bog‘liq bir qator o‘zgarishlar yuz beradi. Bu haqda Xalq ta’limi vazirligi xabar qildi.
Qayd etilishicha, o‘quvchilarning qiziqishi va qobiliyatlarini aniqlash bo‘yicha yagona elektron platforma yaratiladi. Har bir 5—11-sinf o‘quvchisi uchun elektron “Ish daftari” joriy etiladi.
Shuningdek, o‘quvchilarning qiziqish va qobiliyatlaridan kelib chiqqan holda ular kasbga yo‘naltiriladi va o‘qitiladi. O‘quvchilarni kasb-hunarga tayyorlash 2022/2023-o‘quv yilidan boshlab 9—11-sinflarda, 2023/2024-o‘quv yilidan esa 11-sinf o‘quvchilarida tashkil etiladi.
Shu maqsadda 2022/2023-o‘quv yilidan boshlab, umumta’lim maktablarining 10 va 11-sinf o‘quvchilariga “Ishga marhamat” monomarkazlari, kasb-hunarga o‘qitish markazlari, mahalla aholisini kasb-hunarga o‘qitish maskanlari, qisqa muddatli kurslar ochilgan ta’lim muassasalarida kasb o‘rgatiladi.
Ayni vaqtda hududlardagi o‘sish nuqtalari (“drayver” sohalari), mehnat bozoridagi ishchi kasblarga bo‘lgan ehtiyojlardan kelib chiqib, umumta’lim maktab o‘quvchilarini o‘qitishga ehtiyoj mavjud bo‘lgan 62 ta kasblar ro‘yxati shakllantirilgan. Oliy va o‘rta maxsus ta’lim vazirligi bilan hamkorlikda 62 ta kasblar ro‘yxati asosida kasb-hunarga tayyorlashga qo‘yiladigan malaka talablari, o‘quv-metodik hujjatlari, o‘quv rejalari va o‘quv dasturlari ishlab chiqilmoqda.
Mavzuga doir:
Izoh (0)