23—25-may kunlari AQSH davlat kotibining Janubiy va Markaziy Osiyo ishlari bo‘yicha yordamchisi Donald Lu boshchiligidagi delegatsiyasi O‘zbekistonga tashrif buyuradi. Bu haqda O‘zbekiston TIV rasmiy vakili xabar berdi.
Ta’kidlanishicha, bo‘lajak uchrashuvlar va muzokaralar chog‘ida turli sohalardagi O‘zbekiston—AQSH munosabatlarining bugungi holati va rivojlanish istiqbollari muhokama qilinadi. Shuningdek, mintaqaviy va xalqaro masalalar yuzasidan ham fikr almashiladi.
Eslatib o‘tamiz, 2021-yil 13-dekabr kuni sobiq tashqi ishlar vaziri Abdulaziz Komilov O‘zbekiston bilan AQSH o‘rtasidagi Strategik sheriklik muloqotining birinchi majlisida ishtirok etish uchun Toshkent shahriga kelgan AQSH davlat kotibining Janubiy va Markaziy Osiyo masalalari bo‘yicha yordamchisi Donald Lu bilan uchrashgan edi. Uchrashuvda AQSH tomoni yangi O‘zbekistonda olib borilayotgan demokratik o‘zgarishlar va ijtimoiy-iqtisodiy islohotlar dasturini qo‘llab-quvvatlanishini ma’lum qilgandi.
Izoh (0)