Toshkentning Shayxontohur tumanida ikki kishi kredit qarzdorligini yopish maqsadida soxta tadbirkorlik faoliyati bilan shug‘ullangani aniqlandi.
Bosh prokuratura huzuridagi departamentning Shayxontohur tuman bo‘limi tomonidan o‘tkazilgan tergovga qadar tekshiruvda ma’lum bo‘lishicha, “Z.G.” MCHJ norasmiy rahbari A.T. va “A.P.” MCHJ rahbari A. o‘zaro til biriktirib, “A.P.” MCHJning kredit qarzdorligini yopish uchun “N.P.” MCHJni tashkil qilgan.
Ular bank filialidan “Z.G.” MCHJga tegishli Zangiota tumanidagi bino-inshootlarni bank krediti asosida sotib olish uchun ajratilgan 1,5 milliard so‘mning 1 milliard so‘mini “A.P.” MCHJning qarzdorligini qoplashga yo‘naltirib, qolgan 500 mln so‘mini shaxsiy ehtiyojlariga sarflab yuborgan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 179-moddasi (soxta tadbirkorlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
Izoh (0)