Vazirlar Mahkamasi qarori bilan jamiyatda huquqiy madaniyatni yuksaltirish bo‘yicha chora-tadbirlar dasturi tasdiqlandi

Vazirlar Mahkamasining qarori bilan 2022-2023-yillarda jamiyatda huquqiy madaniyatni yuksaltirish bo‘yicha chora-tadbirlar dasturi tasdiqlandi, deb xabar beradi Norma.

Prezidentning 2019-yil 9-yanvardagi PF-5618-son farmoniga muvofiq “Yuksak huquqiy madaniyat — mamlakat taraqqiyoti kafolati” degan konseptual g‘oya asosida tizimli va keng qamrovli huquqiy targ‘ibot tadbirlarini tashkil qilishni nazarda tutuvchi Jamiyatda huquqiy madaniyatni yuksaltirish konsepsiyasi ishlab chiqilgan va tasdiqlangan.

2022-2023-yillarda jamiyatda huquqiy madaniyatni yuksaltirish bo‘yicha chora-tadbirlar dasturi quyidagilarni nazarda tutadi:

oilada va ta’lim muassasalarida huquqiy tarbiyani shakllantirish va huquqiy madaniyatni yuksaltirish bo‘yicha amalga oshiriladigan chora-tadbirlar:

• notinchlik va zo‘ravonlikning bolalar tarbiyasidagi salbiy oqibatlari haqida ma’lumot yetkazish va ularning oldini olish;
• oliy ta’lim muassasalari hamda kadrlarni qayta tayyorlash va malakasini oshirish o‘quv markazlarida inson huquqlari, ayollar huquqlari, bola huquqlari o‘quv kurslarini tashkil etish;
• ijtimoiy himoyaga muhtoj aholi qatlamlariga imtiyozlar va moddiy yordam berish masalalari bo‘yicha axborot-targ‘ibot ishlari va boshqalar.

• “Huquqiy savodxonlik oyligi”, “Korrupsiyaga qarshi kurashish oyligi” va “Konstitutsiyaviy huquq oyligi”ni o‘tkazish;
• huquqiy savodxonlikka oid minimal talablar bo‘yicha o‘qitish va ularning huquqiy bilimlarini baholash va boshqalar.

• “bepul huquqiy maslahat bilan har bir uyga” loyihasi;
• nogironligi bo‘lgan shaxslar uchun xayriya aksiyalari;
• murojaatlarni tahlil qilish va tahlil natijasiga ko‘ra manzilli huquqiy targ‘ibot va boshqalar.

• videoroliklar tasvirga olish hamda OAV va ijtimoiy tarmoqlar orqali keng tarqatish;
• aholi va tadbirkorlik subyektlariga huquqiy masalalar bo‘yicha yechimlarni beruvchi portallarni huquqiy mavzudagi materiallar bilan boyitish;
• “Huquqiy axborot” telegram kanali qamrovini kengaytirish va boshqalar;
• yuridik ta’limni, shuningdek, yuridik kadrlarni tayyorlash, qayta tayyorlash va ularning malakasini oshirish tizimini rivojlantirish, huquqiy madaniyatni yuksaltirishning ilmiy asoslarini tadqiq etish (yuridik oliy ta’lim muassasalari o‘quv dasturlariga “Tazyiq va zo‘ravonlikdan jabr ko‘rgan xotin-qizlar bilan ishlash” mavzusini kiritish; yuridik sohada ilmiy tadqiqotlarni amalga oshirib kelayotgan tadqiqotchilar uchun onlayn xizmatlarni ko‘rsatish imkonini beruvchi elektron platforma yaratish).