SEG neftchilari Farg‘ona vodiysida likvidatsiyaga uchragan ikkita neftli konni “hayotga qaytardi”
Andijon shahri SEG neft-gaz kompaniyasi mutaxassislari likvidatsiyaga uchragan jamg‘armani o‘zlashtirib, neft qazib olish hajmini 25 foizga oshirishga muvaffaq bo‘lishdi.
O‘tgan oy davomida SEG neft-gaz kompaniyasining Andijon bo‘linmasi tomonidan Farg‘ona vodiysidagi ikkita konida 14 ta quduq ekspluatatsiyaga qaytarildi va sutkalik neft qazib olish ko‘rsatkichlari 180 tonnadan 240—260 tonnaga oshirildi. Gap “Xo‘jaobod” va “Xo‘jaosmon” konlari haqida. Ikkala konda ham quduqlar zaxirasi 1990-yillarning oxirida likvidatsiyaga uchragan. Andijon viloyatida 1900—2100 metr chuqurlikda yer osti gaz ombori qurilishi munosabati bilan “Xo‘jaobod” (Xo‘jaobod tumani) quduqlari qurib bitkazilgan edi. “Xo‘jaosmon” konining so‘nggi qudug‘i esa (Marhamat tumani) 1998-yilda suv toshqini va yo‘l-transport infratuzilmasi tufayli tugatilgan.
“Bugungi kunda SEGning asosiy maqsadlaridan biri, neft qazib olishda o‘sish jarayoni barqarorligidir. Bu haqda O‘zbekiston Respublikasining neft qazib olishni ko‘paytirish strategiyasida ko‘rsatilgan bo‘lib, uni amalga oshirish bo‘yicha asosiy operator bizning kompaniyamiz. 2019-yil oxirida O‘zbekistondagi deyarli barcha neft konlari bizga o‘tkazilgandan so‘ng, biz qazib chiqarishni yiliga 425 ming tonnadan 500 ming tonnaga oshirishga muvaffaq bo‘ldik. Jumladan, bunga ishga yondashuvni o‘zgartirish, mukammal jahon texnologiyalaridan foydalanish va samaradorli pudratchilarni jalb qilish orqali erishdik. Andijon viloyatidagi ikki konning ishga tushirilishi va qazish ishlari kuniga o‘rtacha 70 tonnaga ko‘payishi hisobiga mamlakatimizga endi har kuni 23 ming litrdan ortiq benzin yetkazib berishimiz mumkin. Eslatib o‘tamiz, ikkala konda ham suv oqimi juda yaxshi ko‘rsatkichlarga ega, ya’ni ishlab chiqarilgan suyuqlikdagi suv miqdori Andijon bo‘linmasi bo‘yicha bu ko‘rsatkichlar 85 foizdan 90 foizgacha o‘zgarib tursa, “Xo‘jaobod” va “Xo‘jaosmon” konlarida ular mos ravishda 75 foiz va 60 foiz darajasidadir. 2030-yilga borib, neft qazib olish hajmini bosqichma-bosqich 1,6 million tonnaga yetkazish maqsadida, qazish ishlari o‘sish ko‘rsatkichlarini oshirish bo‘yicha sa’y-harakatlarni davom ettiramiz”, — deydi To‘lqin SEG kompaniyasining ijrochi direktori.
GRDC ilmiy-texnik kompaniyasining mutaxassislari ma’lumotlariga ko‘ra (konlarni o‘zlashtirish bo‘yicha SEG hamkori), yil boshiga “Xo‘jaobod” konining joriy qazib olinadigan zaxiralari 340 ming tonna neftni tashkil qildi, zaxirasi esa 340 ming tonnani tashkil qildi. “Xo‘jaosmon” koni esa 3 ming tonnani tashkil qildi.
Kompaniya haqida ma’lumot
“Sanoat Energetika Guruhi” MChJ XK SEG (2021-yil noyabrigacha Jizzakh Petroleum deb atalgan) O‘zbekiston Respublikasi Prezidentining 2017-yil 3-maydagi PQ 2949-sonli qaroriga asosan 2017-yilda tashkil etilgan. Kompaniya uglevodorod xomashyosini chuqur qayta ishlash va yuqori sifatli neft mahsulotlarini ishlab chiqarish bo‘yicha mamlakatimiz ishlab chiqarish quvvatlarini kengaytirish, shuningdek, O‘zbekiston neft-gaz sanoatining eksport salohiyatini oshirish maqsadida tuzilgan.
2019-yilda O‘zbekiston Respublikasi Vazirlar Mahkamasining 1002-sonli 15.12.2019-yildagi “O‘zlashtirilishi qiyin bo‘lgan konlardan neft qazib olish va uglevodorodlarni qayta ishlash hajmini yanada oshirish chora-tadbirlari to‘g‘risida”gi qaroriga muvofiq, kompaniya 2020—2030-yillarga mo‘ljallangan neft ishlab chiqarishni ko‘paytirish dasturi ijrochisi bo‘lib tayinlandi. Bugungi kunda kompaniyaga 103 ta kon bo‘yicha yer qa’ridan foydalanish huquqi, geologiya-qidiruv va foydali qazilmalarni qazib olish uchun yer qa’ri uchastkalaridan foydalanish huquqiga litsenziyalarni tegishli ro‘yxatdan o‘tkazgan holda, shuningdek, tegishli kon va yer uchastkalarini rasmiylashtirgan holda SEGga o‘tkazildi.
SEG neft-gaz kompaniyasi bo‘lib, O‘zbekiston Respublikasida neft qazib olishning qariyb 80 foizini tashkil qiladi. 2021-yilda qazib chiqarishning umumiy hajmi 498,9 ming tonna neftni tashkil qildi va gaz 401 million kub metrni tashkil qildi. 2021-yilda kompaniya tomonidan ichki bozorda 285 ming tonnadan ortiq dizel yoqilg‘isi va 209 ming tonnadan ortiq turli markadagi avtomobil benzini sotildi. Kompaniyada 3300 dan ortiq xodim ishlaydi. Qazib chiqarish sexlari Qarshi, Muborak va Andijonda joylashgan.
Vazirlar Mahkamasining 2020-yil 7-fevraldagi 67-sonli kompaniya “Farg‘ona neftni qayta ishlash zavodi” MChJ quvvatlaridan samarali foydalanish va zavodni modernizatsiya qilishni amalga oshirish chora-tadbirlari to‘g‘risida”gi garoriga asosan, “Farg‘ona neftni qayta ishlash” mas’uliyati cheklangan jamiyatining ishonchli vakili sifatida 100 foiz davlat ulushi bilan jalb etish taklifi tasdiqlandi. Korxonani modernizatsiya qilish bo‘yicha umumiy qiymati 400 million AQSh dollari bo‘lgan keng ko‘lamli loyihani amalga oshirmoqda.
Kompaniyaning asosiy vazifasi O‘zbekiston Respublikasi aholisi va korxonalarini jadal rivojlanayotgan iqtisodiyot va o‘sib borayotgan iste’mol sharoitida yuqori sifatli energiya resurslari bilan ta’minlashdan iborat.
Reklama huquqi asosida.
