Qashqadaryo viloyatining G‘uzor tumanida fuqaroni “Qashqadaryo texnologik transport” AJga ishga kiritib qo‘yishni va’da qilgan uchastka boshlig‘i ushlandi. Bu haqda Bosh prokuratura huzuridagi departament xabar berdi.
Ma’lum qilinishicha, departament, DXX va IIBning G‘uzor tumani bo‘limlari tomonidan tezkor tadbir o‘tkazilgan. Tadbir davomida “Qashqadaryo texnologik transport” AJning yo‘l qurilish uchastkasi boshlig‘i I.Q. fuqaro J.ning ishonchiga kirib, uni ushbu korxonaga ishga kiritib qo‘yish evaziga firibgarlik yo‘li bilan 900 dollar olgan vaqtida ashyoviy dalillar bilan qo‘lga olingan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Qoraqalpog‘istonda fuqarodan ishga kiritib qo‘yish evaziga 3 ming dollar so‘ragan Bandlikka ko‘maklashish markazi xodimi ushlangani, Toshkent viloyatida tibbiyot xodimini bosh shifokor o‘rinbosari etib tayinlashga yordam berish uchun 1,3 ming dollar olgan shaxslar qo‘lga olingani to‘g‘risida xabar berilgandi.
Mavzuga doir:
- Ohangaronda fuqaroni metallurgiya kombinatiga ishga kiritish uchun 3 ming dollar so‘ragan shaxslar ushlandi
- Sirdaryo viloyati perinatal markazi xodimasi ishga joylashtirish evaziga pora olayotganida qo‘lga tushdi
- Surxondaryoda 2 ming dollarga chegara qo‘shinlari harbiy qismiga ishga kiritib qo‘ymoqchi bo‘lgan shaxs ushlandi
Izoh (0)