AQSH asosiy obligatsiyalardan voz kechishni tugatishga tayyorlanar ekan, Rossiyada defolt xavfi ortib bormoqda. Bu haqda Bloomberg xabar berdi.
Bayden ma’muriyati kelgusi haftadan boshlab xorijiy davlatlardan investorlar uchun to‘lovlarni butunlay to‘xtatmoqchi. Bu esa Rossiya uchun defolt xavfini oshiradi.
ICE Data Services ma’lumotlariga ko‘ra, Rossiyaning bir yil ichida defolt bo‘lish ehtimoli 90 foizga yetdi. Bir kun avval bu ehtimol 77 foizdan oshiq edi.
Rossiya qarzini hujjatlarda ko‘rsatilgan valyutada emas rublda to‘lagani uchun ko‘plab investorlar va tahlilchilar mamlakat defolt yoqasida deb hisoblamoqda.
Ammo Rossiya hozirgacha barcha qarz majburiyatlarini bajarishga muvaffaq bo‘ldi. Hukumat ayrim sanksiyalardan qochish yo‘llarini topmoqda.
Misol uchun, Moskva o‘zining ichki dollar zaxiralarini ishlatib bo‘lgandan keyin Rossiyaga muzlatilgan xorijiy aktivlaridan foydalanishga ruxsat berildi.
Rossiya moliya vaziri Anton Siluanov Rossiya xorijiy investorlar oldidagi qariyb 20 milliard dollarlik suveren qarzni to‘lash niyatida emasligini va pul o‘tkazmalari to‘sib qo‘yilsa, rublda to‘lashini yana bir bor ta’kidladi.
Uning aytishicha, Moskvaga xorijiy valyutadagi tashqi qarzlarni to‘lash huquqini beruvchi litsenziyaning amal qilish muddati 25 may kuni tugaydi.
Ular 26-kuni sizda to‘lov huquqi yo‘q deyishadi. Keyin esa ko‘rdingizmi, Rossiya qarzini to‘lamagan deya boshlashadi. Bizda pul bor, rublda to‘laymiz, — deydi Rossiya moliya vaziriAprel oyida Siluanov agar Rossiya o‘z majburiyatlarini buzishga to‘g‘ri kelsa, sudga berishga va’da bergan edi.
Izoh (0)