“O‘zgidromet” bosh direktori Sherzod Habibullayev o‘zining Facebook’dagi sahifasi orqali 18–23-may kunlari kutilayotgan kuchli yog‘ingarchiliklar sabab respublikaning tog‘oldi va tog‘li hududlarida sel xavfi yuzaga kelishi mumkinligidan ogohlantirdi.
Ma’lum qilinishicha, respublikaning tog‘oldi va tog‘li hududlarida qisqa muddatli yomg‘ir yog‘adi, momaqaldiroq paytida shamol 15-20 metr/soniyagacha kuchayadi. Ayrim joylarga vaqti-vaqti bilan kuchli jala yomg‘irlar va do‘l yog‘ishi mumkin.
Qayd etilishicha, quyidagi hududlarda sel kelish xavfi e’lon qilinadi:
- Qashqadaryo viloyati: Yakkabog‘, Dehqonobod, Chiroqchi, Kitob, Shahrisabz, Qamashi, G‘uzor, Koson tumanlarida;
- Surxondaryo viloyati: Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrabot tumanlarida;
- Samarqand viloyati: Urgut, Samarqand, Bulung‘ur, Nurobod, Qo‘shrabot, Kattaqo‘rg‘on, Payariq, Jomboy, Ishtixon tumanlarida;
- Navoiy viloyati: Xatirchi, Navbahor, Nurota, Konimex, Karmana tumanlarida;
- Jizzax viloyati: Zomin, Baxmal, G‘allaorol, Sharof Rashidov, Forish, Yangiobod tumanlarida;
- Toshkent viloyati: Ohangaron, Bo‘stonliq, Parkent, Piskent, O‘rta Chirchiq, Yuqori Chirchiq tumanlarida va Angren, Olmaliq shaharlarida;
- Namangan viloyati: Pop, Kosonsoy, Chortoq, Chust, Namangan, Yangiqo‘rg‘on tumanlarida;
- Farg‘ona viloyati: So‘x, Farg‘ona, Beshariq tumanlarida;
- Andijon viloyati: Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlarida va Xonobod shahrida sel-suv toshqin hodisalari yuzaga kelishi mumkin.
Eslatib o‘tamiz, “O‘zgidromet” bundan oldin 13-maygacha O‘zbekistonning 9 ta viloyati va tog‘li hududlarida sel kelish xavfini e’lon qilingandi. 14-may kuni Toshkent viloyati Parkent tumanida sel kelishi hodisasi kuzatilgan, Yuqori Chirchiqda sodir bo‘lgan kuchli yog‘ingarchilik oqibatida 25 ta xonadonga suv kirgan edi.
Izoh (0)