Ijtimoiy tarmoqlarda Nest One binosi oldida xodimlar norozi bo‘lib to‘plangani va yo‘lni yopib qo‘ygani aytilgan videolavhalar tarqaldi. Mehnat va bandlik munosabatlari vazirligi holat bo‘yicha ma’lumot berdi.
Qayd etilishicha, Nest One’dagi ishchilar oyligi kechikkani haqidagi xabar o‘rganilgan. Aniqlanishicha, 17-may kuni Shayxontohur tumanida joylashgan Tashkent Сity hududidagi Nest One binosida “Ozguvn mimarlik inshaat” MCHJ XKning 312 nafar ishchisi aprel uchun ish haqlarini olmagan. Shu sababli mazkur korxonaga nisbatan norozilik bildirgan. Shu kuni 312 nafar ishchiga 1 milliard 7 million 1 ming 825 so‘m ish haqi to‘lab berilishi ta’minlangan.
Shuningdek, xuddi shu binodagi “Ozguven tasarim mimarlik insaat sanayi ve ticar” PUning 427 nafar ishchisi aprel oyi uchun ish haqini o‘z vaqtida olmagani sababli mazkur korxona rahbariyatiga norozilik bildirgan. Holat yuzasida ishchilarga jami 1 milliard 346 million 355 ming 177 so‘m ish haqi to‘lab berilishi ta’minlangan.
Davlat mehnat inspeksiyasi tomonidan yuqoridagi ikki xorijiy korxona rahbari Guven Mehmetra nomiga yozma ko‘rsatma berilgan.
“Daryo” muxbiri holat sodir bo‘lgan joyga borib, vaziyatni o‘rgandi
Nest One qurilish binosi marketing bo‘yicha bosh mutaxassisi Maftuna Amilxonovaning “Daryo”ga ma’lum qilishicha, hodisa 17-may kuni soat 08:45 da yuz bergan:
Izoh (0)