Fransiya mehnat vaziri Elizabet Born mamlakat bosh vaziri lavozimiga tayinlanadi, deya xabar qilgan BFM TV. Telekanal Bornning Yelisey saroyida ekanligini bildirgan.
Avval bosh vazir Jan Kasteksning prezident Emmanuel Makrondan iste’foga chiqarishni so‘ragani va u mazkur so‘rovni qabul qilgani haqida xabarlar tarqalgandi.
Born 1991-yildan beri bosh vazir lavozimini egallaydigan birinchi ayol, undan avval 1991-yilda Fransiya sotsialistik partiyasi vakilasi Edit Kresson hukumat rahbari bo‘lgan va 1992-yil apreliga qadar Vazirlar Mahkamasini boshqargandi.
Reuters agentligi Makron tarafdorlarining sotsial yoki “yashil” siyosatda tajribaga ega ayol siyosatchini bosh vazir lavozimiga tayinlashi haqida gapirayotganini xabar qilgandi. Saylovlardan oldin Makron tabiatni himoya qilish uning hukumatida diqqat markazida bo‘lishini va’da qilgandi. BFM TV Bornni mazkur lavozimni egallashi mumkin bo‘lgan nomzodlardan biri ekanligini qayd etgan. Shuningdek, sog‘liqni saqlash vaziri Marisol Turen va Katta Reyms metropoliysi rahbari Katrin Votren ham bosh vazirlik uchun nomzodlar edi
Born 2020-yil iyul oyidan beri mehnat vaziri lavozimida ishlab keladi. Bunga qadar ekologiya va transport vaziri bo‘lgan.
Iste’foga chiqqan Kasteks esa Fransiya hukumatini 2020-yil iyul oyidan beri boshqarib kelayotgandi.
Aprel oyida Fransiyada prezidentlik saylovlari bo‘lib o‘tgan, ularda amaldagi prezidenti Emmanuel Makron ikkinchi muddatga saylangandi. U 58,54 foiz ovoz yig‘ib, saylovlarda g‘olib chiqqan.
Izoh (0)