Yevropa komissiyasi 2022-yil uchun inflyatsiya prognozini 3,5 foizdan 6,1 foizga oshirdi

Yevropa komissiyasi yaqin yillar uchun Yevropa Ittifoqining makroiqtisodiy ko‘rsatkich prognozlari ustida ishlamoqda. Bu haqda Bloomberg xabar berdi.

Yangi prognozlarga ko‘ra, Yevropa Ittifoqi 2022-yilgi o‘sish bo‘yicha taxminini pasaytirdi va inflyatsiya bo‘yicha prognozini deyarli ikki baravar oshirdi.

Ukrainada urush boshlanganidan beri birinchi prognozda yalpi ichki mahsulot 2022-yilda 2,7 foizga, 2023-yilda esa 2,3 foizga o‘sishi mumkinligi aytilgan edi.

Bu fevral oyidagi ko‘rsatkichlardan 4 foiz va 2,7 foizga kam.

Inflyatsiya bo‘yicha komissiya bu yil va keyingi yil uchun 6,1 foiz va 2,7 foiz stavkalarini taxmin qilmoqda, avvalgi prognozlar mos ravishda 3,5 foiz va 1,7 foiz bo‘lgan.

Aprel oyida narxlarning o‘sishi rekord darajaga yetdi va yillik hisobda 7,5 foizni tashkil etdi. Bu ko‘rsatkich Yevropa Markaziy banki ko‘rsatgan ko‘rsatkichdan deyarli to‘rt baravar ko‘p edi.

Prognozlar yakunlanmagan va ular Yevropa Ittifoqi ijroiya organi e’lon qilinishidan oldin o‘zgarishi mumkin.

Ukrainadagi urush va bunga javoban joriy etilgan sanksiyalar, energiya narxlarining ko‘tarilishi va pandemiyadan qutulib qolgan ta’minot zanjirlarini keskinlashtirilishi orqali global iqtisodiyotning o‘sishida sekinlashuv kuzatilmoqda.

Avvalroq inflyatsiya nimalarga ta’sir qilishi haqida xabar berilgan edi.