Surxondaryoda o‘qituvchi o‘quvchini kaltaklayotgani aks etgan video tarqalgani, maktab direktori va zo‘ravon o‘qituvchi IIBga olib ketilgani to‘g‘risida xabar berilgandi. Xalq ta’limi vazirligi holatga munosabat bildirib, o‘qituvchi tomonidan o‘quvchilarga kuch ishlatish holatini keskin qoralagan.
Ma’lum qilinishicha, videoda tasvirlangan o‘qituvchining xatti-harakatlari yuzasidan xizmat tekshiruvi tayinlangan. Tekshiruv harakatlari Surxondaryo viloyati prokuraturasi tomonidan alohida nazoratga olingan.
“Shu o‘rinda yurtimizdagi barcha pedagoglarga bolaga nisbatan kuch ishlatish mumkin emasligini eslatib o‘tmoqchimiz. Xalq ta’limi vazirligi o‘qituvchi tomonidan o‘quvchilarga kuch ishlatish holatini keskin qoralaydi.
Bugungi zamon o‘qituvchilar o‘quvchilar bilan faqat do‘stona munosabat o‘rnatish orqali natijaga erishish mumkinligini taqozo etadi. Har bir o‘quvchi bilan muammoni birgalikda ijobiy hal etish — bugungi kun pedagogining burchi hisoblanadi. Agar do‘stona munosabat orqali natijaga erishishning imkoni bo‘lmasa, buni hal etish uchun bolaning ota-onasi yoki uchastka nozirini jalb etish to‘g‘ri sanaladi. Maktabda bunday holatlarning barcha ko‘rinishlarini bartaraf etib, o‘qituvchilarni bosiqlikka va o‘zaro kelishmovchiliklarni tinch yo‘l bilan hal etishga chaqirib qoladi”, — deyiladi munosabatda.
Avvalroq Bosh prokuratura axborot xizmati Bandixon tumanida o‘quvchisini kaltaklagan o‘qituvchi ishi viloyat prokuraturasi nazoratiga olinganini ma’lum qilgandi.
Mavzuga doir:
- Andijonda o‘qituvchi darsga kechikkan o‘quvchini ariq suvi ichirib jazoladi
- Sirdaryoda o‘qituvchi va maktab direktori o‘rinbosarini kaltaklagan shaxslarga 3 sutka qamoq jazosi tayinlandi
- Samarqandda imtihonga kelmagan o‘quvchiga tanbeh bergan direktor o‘rinbosari uning yaqinlari tomonidan kaltaklandi
Izoh (0)