Tuxum pashot — bu qaynoq suvda qaynatib olinadigan fransuzcha yegulik bo‘lib, bunda tuxum oqi sarig‘ini qurshab oladi va natijada tuxum sarig‘i pishib ketishiga yo‘l qo‘ymaydi. Ammo gohida tuxumli pashotlar kutilganidek pishib chiqmaydi. “Domashniy ochag” nashri tuxumli pashot tayyorlashda asqatadigan bir nechta layfxaklar bilan bo‘lishdi.
Pashot nima?
Ma’lum bo‘lishicha, pashot baliq, go‘sht va hatto kolbasali ham bo‘lishi mumkin. Bu yumshoq mahsulotni kuchli qaynatilmagan suvda muloyimlik bilan pishirish usulidir.
Taom fransuz oshxonasiga mansub bo‘lib, u sog‘lom nonushta, bir chashka qahva ustida kitob yoki oqsilli gazaklar bilan mukammal tarzda iste’mol qilinadi. Qobiqsiz qaynatilgan tuxum oqi sarig‘ini o‘rab oladi, natijada sariq qism qattiq pishib ketmaydi va kesilganda yaxshi yoyiladi.
Ammo umid va haqiqat har doim ham mos kelmaydi. Tuxumli pashotni tayyorlash oddiy va ayni paytda qiyin ham. Bu jarayon bir necha daqiqa davom etadi, ammo natijada kutilganidek bo‘lmasligi ehtimoli ham mavjud. Ushbu layfxaklar muvaffaqiyatsizliklarni minimallashtirishga yordam beradi.
Klassik pashot tayyorlash uchun ko‘rsatmalar- Tuxumli pashot tayyorlashdan oldin tuxumni muzlatkichdan ertaroq olish lozim va tuxum yangi bo‘lishi kerak, aks holda pashot chiroyli pishmaydi va tuxum oqi suvda yoyilib ketadi.
- Tuxumning yangiligini qanday tekshirish mumkin? Xom tuxumni chuqur suvli idishiga tashlang. Yangisi yon tomonida yotadi, eskirgani esa to‘mtoq uchi bilan aylanadi.
- Kastryulda suv qaynatib olinadi va olov minimal darajaga tushiriladi. Natijada suv deyarli qaynashdan to‘xtashi kerak. 1 litr suv uchun 1 osh qoshiq miqdorida tuz va sirka qo‘shiladi. Suv yaxshilab aylana harakat bilan aralashtiriladi.
- Yangi tuxum kichik idishga solinadi, sarig‘i iloji boricha yoyilib ketmasligi kerak. So‘ngra tuxum oqi asta sarig‘i ustini qoplashi uchun qoshiq yoki boshqa vosita yordamida aylantiriladi.
- Yoki qaynagan suv ichiga aylana shaklidagi kichik qolip qo‘yiladi. Qolip ichidagi suv biroz aralashtirilib, sekin va ehtiyotkorlik bilan tuxum uning ichiga chaqiladi. Shunda u aylana boshlaydi va oqi sarig‘ni o‘rab oladi. Tuxumning pastki qismiga yopishib qolishiga yo‘l qo‘ymaslik uchun 3-4 daqiqa davomida pishiriladi.
- Tayyor tuxumni teshikli qoshiq bilan olinadi, sovuq suvga solinadi, shunda u darhol pishishdan to‘xtaydi.
Pashotni to‘g‘ri tayyorlash uchun qanday qilib oson pishirishni o‘rganamiz
Oshxona qolipi yordamida pashotni muammosiz tayyorlash mumkin.
- Tuxumni cho‘mich ichiga chaqib, dastlab suv ustida tutib turish lozim. Tuxum oqarishni boshlagandan keyin suvga solib pishirish lozim.
- Bir idish ichiga yopishqoq plyonka qo‘yiladi. Zaytun moyi surtilib, tuxum chaqiladi va biroz tuz sepiladi. Yopishqoq plyonkani bog‘lab, u qaynayotgan suvga solinadi. 3-4 daqiqa davomida pishiriladi.
- Qaynayotgan suv yuzasiga teshikli chuqur kapgir qo‘yiladi va ustiga tuxum chaqiladi, keyin harakatni tezda o‘zgartirish kerak: darhol teshikli kapgir suv ostiga botiriladi. Tuxum suvda qoladi va pishishda davom etadi.
- Pashot silikon qoliplar ichida mukammal shaklda pishadi. Ularga faqat tuxumni chaqib, qaynoq suvga solinadi. Bir necha daqiqadan so‘ng olovdan olinadi.
- Mikroto‘lqinli pechda ham pashotni tayyorlash mumkin. Buning uchun krujka ichidagi suvga tuz solinadi. Tuz butunlay eriganidangan keyin tuxum chaqiladi. Idish mikroto‘lqinli pechga qo‘yiladi va 2 daqiqa davomida eng yuqori haroratda pishiriladi. Mikroto‘lqinli pechlarning quvvati har xil bo‘lgani uchun, ikki daqiqa yetarli yoki qancha vaqt kerakligini tekshirib turish mumkin. Ushbu usulning afzalligi shundaki, agar mikroto‘lqinli pechda imkon bo‘lsa, bir vaqtning o‘zida bir nechta qaynatilgan tuxumni 2 daqiqada pishirish mumkin.
Izoh (0)