Shahar markazida yashash, tirbandliklarni esdan chiqarish, uyga yaqin masofada ishlash, o‘qish va dam olish — bu orzu tez orada ro‘yobga chiqadi. Golden House “O‘z” brendi ostida bir qator loyihalarni yo‘lga qo‘ydi. Uning asosida yotgan g‘oya inqilobiy va oddiy: qulay va shinam hayot uchun barchasi bo‘lgan, piyoda yurish masofasidagi ko‘p funksionalli maskan.
13-may kuni Golden House “O‘z” formatidagi ilk loyiha — “O‘z Mahal” loyihasini e’lon qiladi (sobiq ekskavator zavodi hududi). Loyiha to‘rtta turar joy mavzesi, savdo markazi, ikkita biznes markaz va o‘z bozoriga, ko‘plab kafe va restoranlariga ega zamonaviy gastronomik maydon — fudmarketni o‘z ichiga oladi. Majmua hududida shaxsiy maktab hamda ko‘plab jamoat hududlari, o‘yin va bolalar maydonchalari bo‘ladi.
“O‘z” brendi ostidagi qator loyihalar — bu O‘zbekiston aholisining an’anaviy qadriyatlari, katta avlod haqida qayg‘urish va yoshlar rivoji uchun keng imkoniyatlar bilan uyg‘unlikdagi zamonaviy texnologiyalar va ilg‘or yechimlar. Shunday qilib, Golden House jamoasi infratuzilmaning innovatsion formatini — shahar maskani doirasida insonga kerakli barcha narsalar uyga bevosita yaqin masofada joylashgan “yangi mahalla”ni yaratmoqda.
“O‘z” brendining noyob majmualari o‘z xususiyatlariga ko‘ra, hozirgi zamon ko‘chmas mulk bozori berayotgan ko‘plab takliflarni ortda qoldiradi. Bunday loyihalarning asosiy afzalligi avvalo quyidagilarda namoyon bo‘ladi:
- Vaqt tejamkorligi. Endi siz transportda harakatlanishga vaqt sarflashingizga to‘g‘ri kelmaydi. Zarur barcha joylar yonginangizda bo‘ladi — maktab, do‘konlar, ofislar, sport bilan shug‘ullanish va qulay sayr joylari.
- Xavfsizlik. Majmualar mashinalarsiz yopiq hovli tamoyiliga muvofiq qurilmoqda, ichki hudud esa ishonchli nazorat va qo‘riqlash tizimlari bilan jihozlanadi.
- Zamonaviy texnologik yechimlar. Turar joy majmuasi “aqlli uy”, markaziy sovitish va shamollatish tizimi, suv va havo filtratsiyasi, hovli va yo‘lakka Face-ID orqali kirish nazorati, yerosti avtoturargohiga kirishda “aqlli shlagbaum”, avtomobillar raqamlarini avtomatik aniqlash tizimi, umumiy maskanlarni yoritish uchun quyosh batareyalari, suvni isitish, elektromobillarni quvvatlash va ko‘plab boshqa ilg‘or muhandislik yechimlari bilan jihozlanadi. Energiya tejovchi texnologiyalar resurslar iste’molini kamaytirishga imkon beradi, bu esa megapolisning ekologik barqarorligiga qo‘shimcha hissa bo‘ladi.
- Do‘stona munosabatlar va hamjamiyat. Golden House jamoasi nafaqat ilg‘or texnologiyalarni o‘z ichiga olgan, balki o‘zbek madaniyatining an’anaviy qadriyatlarini ham saqlagan yangicha formatdagi mahsulotni yaratishni o‘z oldiga maqsad qilgan. Shu bois “O‘z” loyihasi majmualari ichki infratuzilmaning imkon qadar ko‘p imkoniyatlarini o‘zida namoyon qiladi, oila bilan yig‘ilish, do‘stlar va qo‘shnilar bilan bir davrada vaqtni maroqli o‘tkazish uchun kafe va restoranlar shu jumlasidan.
Yangi loyihalarning eng muhim qismi — shahar va atrof muhitga ehtiyotkorona munosabatda bo‘lish, shuning uchun “O‘z” majmualari shahar markazidagi bo‘sh turgan hududlarda barpo qilinadi. Shu bilan Golden House mavjud turar joy mavzelarining ekotizimini buzmagan holda zamonaviy Toshkent qiyofasini o‘zgartiradi.
“O‘z” brendi loyihalari — bu shinamlik va xavfsizlik hududi. Bu ultrazamonaviy texnologiyalarni madaniy qadriyatlar va azaliy an’analar bilan uyg‘unlashtirgan ekologik, iqtisodiy va ijtimoiy barqaror shahar maskaning yangicha progressiv format.
Kompaniya haqida
Golden House Property Group MChJ (Orient Group tarkibiga kiradi) — bozorda 13 yildan ziyod vaqt davomida faoliyat yuritayotgan O‘zbekistondagi eng yirik quruvchi kompaniya. Kompaniya portfelida 30 dan ziyod muvaffaqiyatli amalga oshirilgan turar joy va tijoriy ko‘chmas mulk obyektlari mavjud. Bugungi kunda Golden House turli narx segmentlarida komfort, biznes va premium toifalarida loyihalar taqdim etib, to‘liq development siklini amalga oshirmoqda. Kompaniya loyihalari zilzilaga yuqori bardoshli, innovatsion va ekologik ekanligi bilan ajralib turadi. Golden House O‘zbekiston developerlari ichida birinchi bo‘lib xalqaro e’tirofga sazovor bo‘lgan, xususan, Asia Pacific Property Awards’da 9 ta mukofot sovrindoriga aylangan. Kompaniya yo‘l o‘tkazgichlar, yangi bog‘lar, maktablar, bog‘chalar va muzeylarni loyihalashtirgan holda, shahar infratuzilmasini rivojlantirishga alohida e’tibor qaratadi.
Reklama huquqi asosida.
Izoh (0)