Instagram: O‘zbekistonni tark etgan Alisher Uzoqov, eri bilan yarashganini inkor etgan Maryam Tillayeva, Ozoda konsertidagi g‘ayrioddiy holatlar

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Netflix’ning Hindistondagi bo‘linmasi tomonidan suratga olinayotgan yangi serialda Bollivud qiroli Shohrux Xonning qizi Suhana rol ijro etmoqda. Aktyor qiziga debyut filmi oldidan o‘z nasihatlarini yozib qoldirdi. “Mukammal bo‘lish qiyin, ammo o‘zligingni yo‘qotmasliging bunga yaqin kelding, degani. Kamera ortida qolgan qisming har doim o‘zingniki, qarsaklardan havolanib ketma, insonlarni qo‘ldan kelgunicha tabassum qilishga unda”, — deb yozadi Shohrux Xon.

Rayhon Ulasenova oila a’zolari uni Umra safaridan qanday kutib olgani aks etgan videoni sahifasiga joyladi.

Hosila Rahimova onasi bilan tushgan suratini sahifasiga joyladi.

Madina Mumtoz o‘zi duch kelgan ko‘ngilsiz holat haqida kuzatuvchilariga so‘zlab berdi. Shuningdek, ayrimlarning ro‘molli ayollarga nisbatan salbiy munosabati uning dilini og‘ritishi haqida ham gapirib o‘tdi.

O‘zbekiston xalq artisti Gulsanam Mamazoitova yangi suratlarini sahifasiga joyladi.

13-may kuni komik aktyor va teleboshlovchi Dilshod Mirzamurodov tug‘ilgan kunini nishonladi. Aktyor hamkasb do‘stlari uni qanday tabriklagani aks etgan videoni sahifasiga joyladi.

Dildora Niyozova turmush o‘rtog‘i bilan bo‘lgan kichik tushunmovchilikdan so‘ng ilk marta u bilan birga ko‘rinish berdi.

Bir muddat avval turmush o‘rtog‘i bilan yarashib olganini aytgan Maryam Tillayeva u bilan birga emasligini ma’lum qildi. “Uning menga ruhiy va jismoniy bosim o‘tkazgani haqidagi gaplarimdan so‘ng uning obro‘si tushib, ishlari orqaga keta boshladi. Shuning uchun u haqda ommaga aytgan gaplarimdan afsuslanib, u bilan Dubayda uchrashib, birga video oldik, lekin fe’l-atvorimiz jihatidan umuman bir-birimizga to‘g‘ri kelmaymiz. Unga ishlarida omad tilayman”, — deydi Maryam Tillayeva.

Sitora Alimjonova muxlislariga yangi suratini taqdim etdi.

Xonanda Ozoda Nursaidova “Xalqlar do‘stligi” san’at saroyi sahna ortida konsert davomida g‘ayrioddiy holatlarga duch kelayotganini so‘zlab berdi. Uning aytishicha, kimdir pollarga yog‘ sepib ketmoqda.

Jasur Umirov ham muxlislariga yangi surat bilan ko‘rinish berdi.

Hozirda AQSHda bo‘lib turgan Yulduz Usmonova kuzatuvchilarini tozalikka rioya qilishga chorladi.

Feruza Normatova ayni paytda avval hech qachon his etmagan baxtni his etayotganini ma’lum qildi.

Aktyor Alisher Uzoqov ma’lum muddatga O‘zbekistonni tark etib, uzoq safarga otlanayotganini aytdi. U “Orzularga erishish uchun harakat qilish kerakligini” ham ta’kidladi. Aktyor avvalroq o‘zini boshqa sohada ham sinab ko‘rishga qaror qilgani haqida gapirgan edi.

AQSHda yashovchi o‘zbekistonlik aktyor Otabek Mahkamov xonanda Larisa Moskalyova bilan to‘y xizmatida ko‘rishib qoldi. Larisa Moskalyova O‘zbekistondagi barcha muxlislariga o‘zining salomini yo‘lladi.