Futbol bo‘yicha Ispaniya La Ligasining 36-turidan o‘rin olgan “Real” va “Levante” jamoalari o‘rtasidagi bahs 12-may, payshanba kuni bo‘lib o‘tdi.
“Santyago Bernabeu”da o‘tgan bahs mezbonlarning 6:0 hisobidagi g‘alabasi bilan yakunlandi. “Qirollik klubi” safida Vinisius Junior het-trik muallifiga aylandi, Ferlan Mendi, Karim Benzema va Rodrigo o‘z nomiga bittadan gol yozdirib qo‘ydi. Luka Modrich esa 3 ta golga assistentlik qildi.
Shu tariqa muddatidan avval chempionlik masalasini hal qilgan “Real” so‘nggi, 20-o‘rinda (29 ochko) borayotgan jamoani tor-mor keltirdi va quyi ligaga ravona qildi. Madrid klubi kelasi o‘yinini 15-may kuni safarda “Kadis”ga qarshi o‘tkazadi.
La Liga
36-tur bahslari
12-may, payshanba
“Real” – “Levante” 6:0
Gollar: 1:0 – 13 Mendi, 2:0 – 19 Benzema, 3:0 – 34 Rodrigo, 4:0 – 45 Vinisius Junior, 5:0 – 68 Vinisius Junior, 6:0 – 83 Vinisius Junior.“Real”: Kurtua, Nacho (Xila, 82), Valyexo, Mendi, Modrich (Peter, 75), Valverde (Kroos, 75), Kamavinga, Vaskes, Benzema (Yovich, 75), Vinisius Junior, Rodrigo (Mariano Dias, 62).
“Levante”: Kardenas, Miramon, Kaseres (Kampanya, 39), Postigo, Rober (Vezu, 77), Son, Radoya (Bardi, 39), Melero (Kantero, 57), Pepelu, Morales, Dani Gomes (Roxer Marti, 57).
Ogohlantirishlar: Kamavinga (43), Roxer Marti (65), Modrich (69).
Izoh (0)