Prezident Shavkat Mirziyoyev Farg‘ona viloyati faollari bilan uchrashuvda O‘zbekistonning o‘z tanlagan yo‘li borligini yana bir bor ma’lum qildi, deb xabar bermoqda “Daryo” muxbiri.
“Bir gapni yana bir bor ta’kidlayman, O‘zbekiston uchun ko‘p millatli xalq manfaatlari birinchi o‘rinda, hech kim bizga aql o‘rgata olmaydi. Bizning o‘z tanlagan yo‘limiz bor. Bu yo‘lda biz faqat va faqat Vatanimiz O‘zbekiston manfaatlarini ko‘zlaymiz”, — dedi Shavkat Mirziyoyev.
Avvalroq Shavkat Mirziyoyev Farg‘ona viloyati faollari bilan uchrashuvda har bir qarorga qo‘l qo‘yishdan avval 10 marta o‘ylashini va yig‘ilishda ochiq gaplashishini ta’kidlagandi. “Menga aniq savol qo‘yinglar, savolga bugun bo‘lmasa ham, ertaga javob beraman. ‘Janob prezident, hammasi zo‘r, yest qilamiz’ demanglar, savol beringlar. Men Farg‘onadan juda ko‘p narsa kutyapman”, — degan Shavkat Mirziyoyev.
Izoh (0)