Alyaskada ayiq hujumidan og‘ir yaralanib, halok bo‘lgan askar AQSH armiyasining desantchisi va afg‘on urushi faxriysi ekani ma’lum bo‘ldi, deb yozadi Army Times.
30 yoshli serjant Set Maykl Plant 10-may kuni Alyasakaning Ankorij shahridagi Elmendorf-Richardson qo‘shma bazasida mashg‘ulot paytida ayiq hujumiga uchragan. Florida shtatidan bo‘lgan Sent o‘sha kuni jarohatlaridan halok bo‘lgan. Yana bir askar ham yaralangan.
Xabarlarga ko‘ra, askarlar yovvoyi tabiat qo‘ynida mashg‘ulot o‘tkazish mumkin bo‘lgan joyni qidirayotganda ayiq uyasiga qoqilib ketgan. Ayni paytda ayiq qidirilmoqda.
“Biz Alyaskadagi tabiatda jamoat xavfsizligini yaxshilash uchun qo‘limizdan kelgan barchasini o‘rganishga harakat qilyapmiz”, — dedi hudud rahbari Sindi Uordlou bayonotida.
Ta’kidlanishicha, hujum Alyaskadagi eng yirik harbiy obyekt hisoblanuvchi 25 ming gektardan ortiq maydonni egallagan bazaning chekka burchagida yuz bergan. Taxminlarga ko‘ra, qo‘ng‘ir ayiq askarga “o‘z bolalarini himoya qilayotgandek” hujum qilgan.
Askarlar biror turdagi himoya vositalarini olib yurganmi, ularda ayiqni to‘xtatish uchun ishlatiladigan kimyoviy qalampir purkagich bo‘lganmi yoki yo‘qligi noma’lum.
Izoh (0)