Samarqand tumanida Nexia kanalga ag‘darilishi oqibatida uch kishi halok bo‘ldi. Bu haqda Samarqand viloyati Ichki ishlar boshqarmasi axborot xizmati xabar berdi.
Ma’lum bo‘lishicha, voqea 8-may kuni soat 02:40 atrofida tumanning “Badal” MFY hududida sodir bo‘lgan. Nexia avtomobili haydovchisi harakatlanib ketayotib boshqaruvni yo‘qotgan va mashinaning orqa yon qismi bilan kanalga ag‘darilgan.
Mashinaning old o‘rindiqlaridagi haydovchi va yo‘lovchi suvdan chiqishga ulgurgan, orqada o‘tirgan 3 fuqaro — 15, 16 hamda 29 yoshli yigitlar halok bo‘lgan. Ularning ikki nafari Samarqand tumani 24-sonli maktabning o‘quvchisi bo‘lgan.
Mazkur holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
Bundan avval Toshkentda Cobalt kanalga tushib ketgani, Samarqandda Damas haydovchisi kanalga tushib ketgach, bedarak yo‘qolgani to‘g‘risida xabar berilgandi.
Izoh (0)