Surxondaryo viloyati Sariosiyo tumanida sel oqizib ketgan ikki fuqarodan birining jasadi topildi. Bu haqda viloyat FVV matbuot xizmati xabar berdi.
10-may kuni soat 16:00 lar atrofida tumanning tog‘li hududi “Bog‘iston” MFY, Zoxona qishlog‘ida qisqa muddatli kuchli yomg‘ir yog‘ishi natijasida sel oqimi hodisasi yuzaga kelgan edi.
Hodisa oqibatida ushbu hududda o‘zining Nexia’sida bo‘lgan, Uzun tumanida yashovchi ikki fuqaroni ham sel oqizib ketgan.
Ma’lum qilinishicha, FVV qutqaruvchilari va hamkorlikdagi tashkilotlar bilan olib borilgan qidiruv-qutqaruv va sel oqimi oqibatlarini bartaraf etish jarayonida avtomobil va bir nafar fuqaro To‘palang daryosi o‘zanidan topildi.
Voqea joyida FVB qutqaruvchilari, Milliy Gvardiya, Ichki ishlar va tegishli xizmatlar xodimlari tomonidan qidiruv-qutqaruv va sel oqimi oqibatlarini bartaraf etish ishlari davom ettirilmoqda.
“O‘zgidromet” ma’lumotiga ko‘ra, 13-maygacha O‘zbekistonning 9 ta viloyatidagi tog‘li hududlarda sel kelish xavfi mavjud.
Izoh (0)