Shavkat Mirziyoyev Yashnobod tumanining “Ahmad Yassaviy” mahallasida bo‘lib, nuroniylar bilan suhbatlashdi. Bu haqda “Daryo” muxbiri xabar berdi.
Ma’lum qilinishicha, davlat rahbari suhbat davomida mahalla tizimi haqida gapirgan.
“Avval mahalla bor edi, lekin unda sharoit yo‘q edi. Mahalla tizimi bizga ham maktab. Qaysi tomoni ma’qul, qaysi tomoni noma’qulligi jihatdan. Endi prezident qabulxonalari tuman markazida emas, mahallada bo‘ladi. Mahalla insonlarning masalasini yechadigan makon bo‘lishi kerak”, — degan davlat rahbari.
Prezident shu o‘rinda ta’lim va tibbiyotga berilayotgan e’tiborni alohida aytgan.
“So‘nggi yillarda ta’limga, tibbiyotga ko‘p e’tibor beryapmiz. Bizga tibbiyot juda zarur. Insonlar tibbiyotdan rozi bo‘lishi kerak. Qaror-farmonlarni chiqaryapmiz, maqsadimiz — tibbiyot tizimini rivojlantirish”, — deydi Shavkat Mirziyoyev.
Avvalroq Shavkat Mirziyoyev Olmazor va Yashnobod tumanlaridagi Ikkinchi Jahon urushi qatnashchilarining xonadonlarida bo‘lgani to‘g‘risida xabar berilgandi.
Izoh (0)