AQShning Arizona shtatida Toshkent vaqti bilan 8-may tongida UFC 274 musobaqasi bo‘lib o‘tdi.
Musobaqaning asosiy jangi Jastin Getji va Charlz Oliveyra o‘rtasida kechdi. Jang birinchi raunddayoq o‘z nihoyasiga yetdi. Avvaliga Getjining o‘ta kuchli zarbasidan so‘ng Charlzning qoshi yorildi va muvozanatdan ham chiqib ketdi. Biroq tezda o‘ziga kelgan Oliveyra avvaliga kuchli zarbasi bilan Getjini parterga qulatdi, so‘ngra bo‘g‘ish usuli orqali raqibini taslim qildi.
Ushbu g‘alaba orqali Oliveyra yengil vazn toifasidagi chempionlik kamarini vakant qoldirdi. Bungacha Oliveyra mazkur vazn chempioni hisoblanardi. Biroq, u vazn me’yorini bajara olmagani sababli kamaridan mahrum bo‘ldi.
Musobaqadagi yana bir muhim janglardan biri Toni Fergyuson va Maykl Chendler o‘rtasida bo‘lib o‘tdi. Chendler ikkinchi raund boshida o‘zining oyoqdagi kuchli zarbasi bilan Toni Fergyusonni nokautga uchratdi.
Janglar videosini bu yerda tomosha qilish mumkin — havola.
Asosiy kard
- Charlz Oliveyra Jastin Getjini bo‘gish usuli orqali birinchi raundda taslim etdi;
- Karla Esparza Rouz Namayunas ustidan ochkolar hisobida g‘alaba qozondi va chempionlikni qo‘lga kiritdi;
- Maykl Chendler 2-raundda Toni Fergyusonni nokautga uchratdi;
- Ovins Sen-Pryo ochkolar hisobida Maurisiu Ruadan ustun keldi;
- Rendi Braun ochkolar hisobida Kalin Uilyamsdan ustun keldi;
- Fransisku Trinaldu ochkolar hisobida Denni Robertsni yutdi;
- Meysi Chiasson ochkolar hisobida Norma Dyumonni yutdi;
- Brendon Royvel 1-raundda sabmishen orqali Mett Shnelni yutdi;
- Blagoy Ivanov ochkolar hisobida Markus Rojeriu de Limani yutdi;
- Andre Fialyo 1-raundda Kameron Vankampni nokautga uchratdi;
- Treysi Kortes ochkolar hisobida Melissa Gattoni yutdi;
- Sijey Vergara ochkolar hisobida Kleydson Rodrigesni yutdi;
- Lupita Godines ochkolar hisobida Arian Karnelossini yutdi;
- Jorni Nyuson ochkolar hisobida Ferni Garsiani yutdi;
Izoh (0)