Farg‘ona viloyati Quva tumani sudyasi va Samarqand shahar sudi raisi lavozimidan ozod etildi. Bu haqda Sudyalar oliy kengashi xabar qildi.
Qayd etilishicha, yozma arizalariga binoan Farg‘ona viloyati jinoyat ishlari bo‘yicha Quva tuman sudining sudyasi Qudratbek Abdullayev va Samarqand viloyati fuqarolik ishlari bo‘yicha Samarqand shahar sudining raisi To‘lqin Usmonov lavozimidan ozod etilib, vakolatlari muddatidan ilgari tugatilgan.
Shuningdek, mas’uliyatsizligi va yo‘l qo‘ygan kamchiliklari uchun:
- Oliy sud sudyasi B.Israilov;
- Farg‘ona viloyat sudi raisining o‘rinbosari — iqtisodiy ishlar bo‘yicha sudlov hay’ati raisi A.Madaminov;
- Andijon viloyati jinoyat ishlari bo‘yicha Paxtaobod tuman sudining raisi Sh. Mirzakarimov;
- Navoiy viloyati jinoyat ishlari bo‘yicha Qiziltepa tuman sudining raisi A.Avezov;
- Qashqadaryo viloyati fuqarolik ishlari bo‘yicha Koson tumanlararo sudining raisi Sh.Xoliqov;
- Qashqadaryo viloyati fuqarolik ishlari bo‘yicha Yakkabog‘ tumanlararo sudining sudyasi L.Abdullayev;
- Xorazm viloyati fuqarolik ishlari bo‘yicha Urganch tumanlararo sudining sudyasi G‘.Matyoqubov;
- Xorazm viloyati jinoyat ishlari bo‘yicha Urganch tuman sudining sudyasi R.Bobojonov;
- Toshkent viloyati fuqarolik ishlari bo‘yicha O‘rtachirchiq tumanlararo sudining sudyasi Sh.Xoljigitov;
- Toshkent viloyati fuqarolik ishlri bo‘yicha Yangiyo‘l tumanlararo sudining raisi: Sh.Xaydarov;
- Toshkent viloyati Nurafshon tumanlararo ma’muriy sudining sudyasi M.Maxmudov;
- Toshkent shahar jinoyat ishlari bo‘yicha Shayxontohur tuman sudining sudyasi A.Yo‘ldashev intizomiy jazoga tortilgan.
Avvalroq Navoiyda odil sudlovni amalga oshirishda qonuniylikni buzgan sudya ishdan olingani xabar qilingandi. Shuningdek, mas’uliyatsizlikka yo‘l qo‘ygan yana 8 nafar sudya jazolangani, 4 nafar sudyaning vakolati muddatidan ilgari tugatilgani haqida xabar berilgan.
Izoh (0)