Kelgusi besh yil ichida kommunikatsiya infratuzilmasini yaxshilash uchun 250 million dollar sarmoya kiritiladi.
O‘zbekiston 2022-yil 7-may VEON Ltd. (NASDAQ: VEON, Euronext Amsterdam: VEON) — mobil aloqa va xizmatlarni taqdim etuvchi global raqamli operator mamlakat iqtisodiyotiga sarmoya kiritishni ko‘paytirish rejalarini e’lon qildi. Aloqa infratuzilmasi va raqamli xizmatlar ekotizimini rivojlantirish uchun har yili 50 million dollar ajratiladi, ya’ni keyingi besh yil ichida sarmoyalarning umumiy miqdori 250 million dollardan oshadi. Bu bilan Beeline Uzbekistan’ning zamonaviy raqamli xizmatlaridan butun mamlakat bo‘ylab aholi foydalanishi mumkin bo‘ladi.
Bu haqida VEON xalqaro telekommunikatsiya xoldingi delegatsiyasining O‘zbekiston Respublikasi Axborot texnologiyalari va kommunikatsiyalarini rivojlantirish vaziri Sherzod Shermatov bilan uchrashuvida ma’lum qilindi.
2006-yildan buyon 9 ta davlatda qariyb 220 million abonentga xizmat ko‘rsatuvchi va o‘zining Beeline operatsion kompaniyasi orqali O‘zbekistonga xizmat ko‘rsatayotgan VEON Group nafaqat o‘zbekistonlik IT mutaxassislarini ish bilan ta’minlash, balki ish o‘rinlari soni va eksport hajmini oshirishga, MDH davlatlari va uzoq xorijga axborot texnologiyalari xizmatlarini ko‘rsatishda ham yordam beradi.
Xususan, xorijiy kompaniyalar uchun IT xizmatlarini sinovdan o‘tkazish yo‘nalishini ishlab chiqish rejalashtirilgan. Beeline Uzbekistan sho‘ba korxonasi BeeLab sinovchilarni yollash orqali ushbu loyihani amalga oshiradi.
“Raqamlashtirish bizning zamonamizda iqtisodiy o‘sishning asosiy manbasidir va iqtisodiyotning barqaror o‘sishi ularning raqamli ekotizimlarni rivojlantirishdagi muvaffaqiyatiga bog‘liq. Nafaqat aniq raqamli ilovalar, balki ularni ishlab chiqaruvchi va qo‘llab-quvvatlovchi malakali mutaxassislarga ham bog‘liq. Ushbu shartnoma bilan biz kelajagimizni O‘zbekiston ravnaqi bilan bog‘laymiz. VEON xodimlarni o‘qitish va zarur ko‘nikmalarni rivojlantirishda yordam berishga tayyor. Bu O‘zbekistonga mustaqil axborot texnologiyalari markaziga, o‘z iqtisodiyoti uchun muvaffaqiyatli, raqamli mahsulotlarni yaratuvchi, shuningdek, hududiy texnologiya markaziga aylanish imkonini beradi — bularning barchasi, albatta, yuqori malakali mutaxassislar ko‘magida amalga oshiriladi”, — dedi VEON bosh direktori Kaan Terzioglu.
Reklama huquqi asosida.
Izoh (0)