O‘zbekistonga tashrif buyurayotgan mehmonlar va mahalliy aholi uchun qulaylik yaratish, shuningdek, mamlakatda ichki turizmni rivojlantirish maqsadida 4-maydan Urganch—Farg‘ona—Urganch yo‘nalishida aviaqatnov yo‘lga qo‘yildi. Bu haqda Uzbekistan Airways xabar qildi.
Qayd etilishicha, parvozlar haftada bir marta — chorshanba kunlari quyidagi keltirilgan jadval asosida amalga oshiriladi:
- Urganchdan jo‘nab ketish: 09:20
- Farg‘onaga yetib borish: 11:00
- Farg‘onadan jo‘nab ketish: 11:50
- Urganchga yetib borish: 13:30
Narxlar 5-may holatiga ko‘ra amal qiladi.
Avvalroq Uzbekistan Airways 5-may kuni Farg‘ona va Namanganga qo‘shimcha qatnovlarni amalga oshirishi xabar qilingandi. 3—4-may kunlari viloyatlararo qo‘shimcha aviaqatnovlar yo‘lga qo‘yilgan.
Izoh (0)