Bugun,

  • USD 11095.31
  • RUB 173.84
  • EUR 10772.44

Checheniston rahbari Ramzan Qodirov 2021-yil 1-yanvaridan 31-dekabrigacha qilgan daromadlari va xarajatlari haqidagi deklaratsiyani e’lon qildi. O‘tgan yili u 26 million 538 ming rubl daromad topgan va bu 2020-yildagi raqamlardan 14 barobar kam.

Foto: “TASS”

Foto: “TASS”

Checheniston rahbari va hudud hukumatining rasmiy saytlariga joylashtirilgan daromadlar haqidagi deklaratsiyaga ko‘ra Qodirov 2344,3 kvadrat metr turar joyga, maydoni 3668 kvadrat metr hamda 28361 kvadrat metr bo‘lgan 2 ta yer uchastkasiga egalik qiladi. Hujjatda Checheniston rahbarining shaxsiy avtomobili yo‘qligi qayd etilgan.

Ramzan Qodirovning rafiqasi 209,8 kvadrat metrli kvartira egasi. Shuningdek, hujjatda Qodirovaning 2021-yilda 1 million 522 ming rubl daromad qilgani yozilgan. Deklaratsiyada Ramzan Qodirov, uning rafiqasi va 11 nafar voyaga yetmagan farzandi 300 kvadrat metr maydonga ega uyga egalik qilishi ko‘rsatilgan.

2020-yilda Checheniston rahbarining daromadi 381 million rublni, uning rafiqasi ishlab topgan mablag‘ esa 1,5 million rublni tashkil qilgan.

Aprel boshida Ramzan Qodirovga general-leytenant harbiy unvoni berilgan. 2019-yilda u Rossiya federatsiya qahramoni deb e’tirof qilinib, mamlakatning eng oliy mukofotiga loyiq ko‘rilgan. Shuningdek, Qodirov “Vatan oldidagi xizmatlari uchun” III darajali ordeni, “Jasorat” ordeni, “Sharaf” ordeni va boshqa davlat mukofotlarining egasi hisoblanadi.

Izoh
Asosiy yangiliklar
Mahalliy
Samarqandda o‘quvchining onasi “zamdirektor”ni kaltakladi
Mahalliy
O‘zbekistonda nogironligi bor insonlar uchun sharoit qanday? — “Daryo”da kichik so‘rovnoma
Sport
O‘zbekiston amputantlar terma jamoasi futbolchilariga Cobalt avtomobillari topshirildi