Neymar: Braziliya Jahon Chempionida g‘alaba qozonishi uchun jonimni berishga tayyorman

“PSJ” va Braziliya terma jamoasi hujumchisi Neymar Qatarda bo‘lib o‘tadigan Jahon Chempionati haqida o‘z fiklari bilan o‘rtoqlashdi.

Men ushbu mavsumda “PSJ” bilan Chempionlar Ligasida g‘alaba qozonmoqchi edim, afsuski, bunga erisha olmadim. Endi 2022-yilni Jahon Chempionligi sovrini bilan yakunlamoqchiman. Bu safar kubok Braziliyaga ketishi uchun ham jismonan, ham ruhan tayyorlanmoqdaman. Bu sovringa erishish uchun jonimni berishga tayyorman.

Allaqachon ikki marta ushbu musobaqada o‘ynadim va bu qanday ekanligini bilaman. Agar sen tayyor bo‘lmasang, imkoniyat seni chetlab o‘taveradi. Shuning uchun uni qo‘ldan chiqarishni xohlamayman.

Neymar, Braziliya terma jamoasi hujumchisi 

Eslatib o‘tamiz, Neymar 2017-yildan buyon “PSJ” safida to‘p surib keladi. Joriy mavsum braziliyalik Liga 1 da 20 ta o‘yinda ishtirok etib, 11 ta gol va 6 ta golli uzatmaga mualliflik qildi.