Andijonda Nexia-3 bilan to‘qnashgan Tico ikkiga bo‘linib ketdi (video)

Ijtimoiy tarmoqda Andijon viloyatining Shahrixon tumanida Nexia-3 va Tico avtomobillari o‘rtasida to‘qnashuv sodir bo‘lgani tasvirlangan video tarqaldi. IIV YHXX holatga munosabat bildirib, hozirda tergovoldi surishtiruv harakatlari olib borilayotganini ma’lum qildi.

Ma’lum qilinishicha, 6-may kuni soat 10:00 larda tumanning “Segazaqum” MFY hududidan o‘tuvchi A-373 O‘sh—Andijon—Toshkent avtomobil yo‘lining 412-kilometrida 49 yoshli haydovchi Q.X. boshqaruvidagi Tico hamda 28 yoshli X.B. boshqaruvida bo‘lgan Nexia-3 avtomobillari ishtirokida yo‘l-transport hodisasi sodir bo‘lgan.

YTH oqibatida Tico avtomobil haydovchisi Q.X. tan jarohati bilan shifoxonaga yotqizilgan.

Sodir bo‘lgan avariya yuzasidan tuman IIB huzuridagi Tergov bo‘limi xodimlari tomonidan dastlabki tergovoldi surishtiruv harakatlari olib borilmoqda.

Avvalroq Farg‘onada Tracker va Gentra to‘qnashuvi oqibatida yo‘lovchi halok bo‘lgani, Toshkentda 4 ta mashina ishtirokida YTH yuz bergani, Gulistonda haydovchisi uxlab qolgan Damas piyodalar o‘tish ko‘prigiga urilgani to‘g‘risida xabar berilgandi.