Avtoraqamlar onlayn auksionida 29-aprel kuni savdoga qo‘yilgan raqam boshlang‘ich narxidan bir necha barobar qimmatga sotildi.
Auksion savdolarini kuzatgan “Daryo” muxbirining qayd etishicha, 50 777 ZZZ avtoraqami 135 million so‘m boshlang‘ich narx bilan savdoga qo‘yilgandi. Savdolar davomida uning narxi 132 marta oshirilgan va yakunda 669 million 600 ming so‘mga sotilgan. Bu Markaziy bank tomonidan 6-may uchun belgilangan dollar kursi (11 132,56 so‘m) bo‘yicha 60 ming dollardan ortiqni tashkil etadi.
Avvalroq onlayn auksionda 01 Q 001 QB avtomobil raqami qariyb 5 ming dollarga sotilgani, Xorazmda 90 O 900 OA avtoraqami uchun onlayn auksionda kurash tonggacha davom etgani to‘g‘risida xabar berilgandi. O‘zbekistonda 2022-yil yanvar—mart oylarida onlayn auksionlar orqali 86,7 milliard so‘mlik 40 mingdan ziyod “chiroyli” avtoraqamlar sotilgan.
Mavzuga doir: O‘zbekistonda bitta avtoraqam salkam 600 million so‘mga sotildi
Izoh (0)