Namanganda “Jiguli”da yonib ketdi (video)

Ijtimoiy tarmoqlarda Namangan viloyatining Davlatobod tumanida “Jiguli” avtomobili yonayotgani tasvirlangan video tarqaldi. Viloyat IIB YHXBning holatga munosabat bildirib, yong‘in oqibatida hech kimga jarohat yetmaganini ma’lum qildi.

5-may kuni soat 16:30 larda Davlatobod tumani “Shishaki” MFY hududida Namangan shahrida yashovchi 33 yoshli fuqaro “VAZ-2107” rusumli avtomashinani boshqarib ketayotib, harakat xavfsizligini ta’minlay olmagani sababli yo‘lning chetidagi beton ariqqa avtomashinaning shina qismi tushib ketgan. Oqibatda avtomashinaning old qismida yong‘in sodir bo‘lgan.

“Hodisa oqibatida jabrlanganlar yo‘q”, — deyiladi munosabatda.

Avvalroq Nukusda to‘xtab turgan Nexia yonib ketgani, Sirdaryoda yuk mashinasi bilan to‘qnashgan Cobalt’da yong‘in chiqqani to‘g‘risida xabar berilgandi.